17-Ноябрь, 2024-жыл, жекшемби, Бишкек убактысы 19:54
Күлкү кербени
Азыркы "түшпөс хандын" жообу
Мурда “түшпөс хан” термини болсо, эми “түшпөс эл башы”, "түшпөс журт башы", "түшпөс көсөм" сөздөрү жаралды. "Күлкү кербендин" кезектеги саясий азили.
* * * * * * *
— Кечиресиз, урматтуу Президент, болочокко карай агылгалап суроо узаткым келет: сиз президенттиктен кеткен соң эмне иш менен алек болууну каалаар элеңиз?
— Жаш баланын суроосун бергениң курусун! Өлүмдөн кийин каяктагы иш, каяктагы алектенүү?!.
* * * * * * *
— Батыштагыдан биздеги президенттик шайлоонун айырмасы эмнеде? – деп журналист Борбордук Азиядагы бир өкүмзор бийликтин өкүлүнөн сураптыр.
— Аларда бир киши ашып кетсе эки жолу президент болуп шайланат. Бизде болсо элибиз, кудайга шүгүр, туруктуулукту жактайт. Отуз-кырк жыл болсо деле туруктуулук кылып, буга чейин бүтпөгөн реформасын улантып алсын деп, бир кишини утур шайлай беришет.
* * * * * * *
TT
Орустар күлүшөт: Депутаттын жалыйнасы ай!
"Күлкү кербени" орусиялыктардын азилдеринен жаңы шиңгил сунуштайт.
* * * * * * *
“Каргыш тийгир демократия!” ‑ деп БШКнын башчысы өзүнчө карганып-шиленип алды. ‑ “Иш эми чачтан көп!”
Анын колуна президенттикке талапкер болгусу келген 146-кишинин арызы түшкөн.
* * * * * * *
Биздин депутаттарга 800 миң рублдик жалыйнанын эмне кереги бар? Алардын айтканын карасаңар: “Биздин өлкөбүздө тумуш оңолду, 7 миң рублдик айлыкка оп-оңой эле жашаса болот!” дешет тим эле!
* * * * * * *
Думанын бир депутаты сыналгынын Биринчи каналындагы берүү учурунда калайыкка кайрылып, Баланчаев деген оорулуу баланын операциясына акча чогултууга үндөдү.
Көгүлтүр экранга тикирейген бирөө жанындагыларга үн катты:
‑ Келгиле, оору-сыркоо балдарга бүжөттөн эле акча бөлөлүк, а депутаттарга жалыйна үчүн акчаны Биринчи каналдан чыгып эле сурап, улам топтоп туралык.
* * * * * * *
Дагы жүктөңүз
