Күлкү кербени

* * * * * * *

Бир жолу А.Акаев Москва университетиндеги аспиранттар үчүн дарстан өлө чарчап, андан ары Москва дарыясынын жээгине келиптир да, эрмектейинчи деп балык кармай баштаптыр. Кайырмагы солк эткенде тартып алса – алтын балык илиниптир дейт.

- Байкебай, мени кайра сууга койо бериңизчи, бир тилегиңизди аткарып берейин? Мен - айтылуу Алтын балыкмын!

- Чын элеби?

- Ооба.

- Анда мени кайра Кыргызстандын президенти кыл!

- Бир суроом бар эле?

- Айт.

- Анан сиз аялыңызды, бала-чакаңызды, Алматыдан келген күйөө балаңызды, аялыңыздын классташын жана башка туугандарыңызды башкаруу ишине кайра аралаштырасызбы?

- Бул – менин президенттик ыйгарым укугум да! Акым бар да!

- Байкебай! Ансыз деле ошолордун чеңгелине түшкөндөн коркуп, Ысык-Көлдөн быякка качып келген элем. Андан көрө мени кууруп жей бериңизчи!

* * * * * * *

2017-жылга арналган балаты кечелеринин биринде казак президенти Нурсултан Назарбаев конокторду шаңдуу күлкүгө кабылткан анекдотторду айтты.

ӨКМӨТ ЖАНА ЖАҢЫ ЖЫЛ

Биздин Өкмөтүбүз Жаңы жыл түнүн толук курамда Өкмөт үйүндө өткөрүү тууралуу чечим кылды.

Анын себеби төмөнкү ырым-жырымда: Жаңы жылды каякта тоссоң, жылы бою ошол жакта кала бересиң.

* * * * * * *

ТООК ЖЫЛЫНДАГЫ НАГЫЗ КОРОЗ

Короодо кукулуктап беш тоок, он короз жүрүптүр.

Ээсинен сурашыптыр:

- Бул кандай? Саны боюнча тескерисинче болушу керек эле да?

- Тетиги кызыл таажы корозду көрдүңбү?

- Ооба.

- Нагыз короз ошол. Калгандары – жентелмендер.

* * * * * * *

Шилтеме: https://www.youtube.com/watch?v=oU-yQlObspI

TT