Күлкү кербени

Бир жолу мухиттеги кайыкта үч киши калат: Обама, Путин, Лукашенка.

Барак Обама берки экөөнө айтат:

- Мен дүйнөдөгү эң кубаттуу мамлекеттин президентимин, мен кайык башчы болушум керек, силер калак күрөп иштегиле.

Владимир Путин:

- Менин өлкөмдөгү өзөктүк куралдан баары коркот. Калак күрөө – экөөңөрдүн жумушуңар.

Лукашенка айтат:

- Келгиле, референдум өткөрүп, добуш берелик. Ошонун жыйынтыгына ылайык иш кылалык.

Баары бул вариантка макул болушат.

Анан кайыкты Лукашенка жетектеп, Обама менен Путин тердеп-кургап калак күрөп иштеп калышат экен.

Бир убакта Обама таң кала Лукашенкадан сурайт:

- Александр, кайыкта үч эле киши баратабыз, сен кантип төрт добуш алууга жетиштиң?

* * * * * * *

Кыргыз филологиясы факультетинин студенти сынакта жооп берүүдө.

- Чыңгыз Айтматовдун чыгармаларынан кайсынысын окудуң?

- “Кош бол, Гүлсары!” поэмасын.

- Болуптур, аны поэма дейли. Анда эмне тууралуу сөз болот?

- Баланын Гүлсары деген сүйгөн кызы өлүп калат экен, агай!

* * * * * * *

Бир америкалык университетке кыргыз, британдык, немис студенттер алты айга жиберилет. Аларга тапшырма берилет, анан алты айдан соң жазгандарын тапшырууга чакырышат.

Британдык студент “Пауэр пойнт” программасына жазылган санариптик ишин көрсөтүп кутулат.

Немис студент эки томдук ишин көрсөтүп кутулат.

Кыргыз студент баягы шылтоосун айтат:

- Кечээ ишти бүтүрөйүн десем, таякемдин баласынын тою болуп калып, кызмат кылып бошобой калдым, урматтуу профессор!

* * * * * * *

Жогорку технологиялык университеттин студенти келе жатса, сейил бактагы отургучта мехматтын студенти уктап жатыптыр. “Талаа теориясы” деген китеп отургучтун алдына түшүп калыптыр.

Тигил студент жердеги китепти алып, уктап жатканды ойготот дейт:

- Эй, агроном! Ойгон, сынакка даярдан!

* * * * * * *

Эки студент өз ара кобурашып калыптыр:

- Сен буга чейин канча сынактан куладың?

- Эртеңкини кошсом, бешөө болот.

* * * * * * *

Австриялык атактуу химик Адольф Франк сынакта “чабак уруп” чыга албай жаткан студентке айтыптыр:

- Сиз укмуштуудай тапкыч жана зээндүү экенсиз! Жанатан бери бир аз эле сөзгө дөөрүгөн маанини ушунчалык көп камтып айтууга жетиштиңиз!

* * * * * * *