Күлкү кербени

* * * * *

1968-69-жылдардагы окуялардан кийин бир чех абышка Влтава суусунан алтын балык кармап алыптыр.
- Абышка, каалаган үч нерсеңди аткарайын, мени боштондукка чыгара көр!
- Биринчи каалоом - бизге Кытай кол салса экен! Экинчиси - Кытай кайра кол салсын. Үчүнчүсү - Кытай бизди үчүнчү жолу чаап кетсин!
Балык куйругун сууга чаап, көздөн кайым болот.
Үйдө кемпири болгон окуяны угуп, чалды каргап-шилеп калат.
- Кемпир, мени тыңдасаң! Чехияга үч жолу басып келчү кытайлыктар СССРди алты жолу тепсеген атпайбы!

* * * * *

- Социалисттик Чехословакиядагы турак-жай жана азык-түлүк көйгөйлөрүн кантип чече алабыз?
- Анын жарасы жеңил. Батыш жак чек араны ачып койсок - турак-жай маселеси чечилет. Чыгыш жак чек араны жаап койсок - өлкөдө азык-түлүк тартыштыгы токтойт.

* * * * *

Кремл тарабынан бир тууган Чехословакияга чукул арада боордоштук көмөк көрсөтүлгөн соң, коңшу Полшада совет-поляк чек арасына жакын жайгашкан Буг дарыясында сүзүүгө тыйуу салган буйрук таркатылды.
- Ушу кантип болсун? - деп бир поляк тургун кейип айтса, экинчиси аны жооткотуптур:
- Туура эле чечим. Эгерде кимдир-бирөө сууга чөгө баштап, жардамга чакырып кыйкырчу болсо, анда 240 миллиондуу советтик достор дароо келүүгө жүткүнүп араң турушпайбы!

* * * * *

Саясий билим арттыруу сабагында чехословак армиясынын офицери катардагы жоокерден "империалисттердин арам ойу эмнеде?" деп сурайт:

- Империалисттер ар дайым атажуртубузду басып алууга жутунуп турушат.

- Туура. Азаматсың! Дагы кандай кошумча сөзүң бар?

- Бирок СССР империалисттерден да озунуп кетти.


* * * * *

Чехословакиянын коммунисттик партиясына кабыл алуу жүрүмү учурунда талапкерлерден капитализм менен социализмдин айырмасы эмнеде экенин сурап жатышты.

Суроого жооп таба албай калганды партияга мүчөлүккө кабыл алышты.

Начарыраак билген бирөө бар экен, ага бир жылга шарттуу мөөнөт беришти.

Үчүнчү бирөө мыкты кабардар экен. Ал үч жылга кесилди.

* * * * *

Ар кыл интернет булактардан алынды.

* * * * *

- Эмне үчүн СССРде жумушсуздук жок?

- Анткени бардыгынын жумушу бар: бири куруп жатса, экинчиси курулганды бузуп иштеп жатат.

* * * * *

- СССРде эмне туруктуу?

- Албетте, убактылуу кыйынчылык!

* * * * *

СССРде "Инжилдин" жаңы, оңдолгон варианты жарык көрдү.
Анын алгачкы сабы мындайча сунушталды:

"Эң башында эчтеке жок болчу. Тек гана жолдош Кудай Маскөө шаарында ары-бери басып сейилдеп жүрдү.

* * * * *

- Урматтуу диниятчым, айтсаңыз, тиги дүйнөдө кайсы тозок жакшыраак - капиталисттикпи, же социалисттикпи?

- Албетте, социалисттик тозок мыкты. Анда же ширеңкеси табылбай, же отуну жетпей, же очогу улам-улам бузулуп ырпты кетирип турат. Анын үстүнө шайтандар да улам башка партчогулушка чакырылып иштен көбүрөөк алагды болуп турушат.

* * * * *

Соцөндүрүш учурун тартууга жиберилген сүрөткер кеңсеге кайтып келет:

- Бул - менин эң соңку реалисттик чыгармам. Ал "Шыбакчылар иш үстүндө" деп аталат.

- Токтосоңуз, токтосоңуз! Мындагыларыңыз шыбак аспабын четке таштап салып, чылым чегип, бекерпоздорчо бака-шака сүйлөшүп отурушат ко?

- Азыр эле эскертпедимби, менин сүрөтүм чыныгы турмушту чагылдырат деп...

* * * * *

Кеселдеп калган киши ооруканага келип, дарыгерге жаздырылмак болот.

- Мага кулак-көз доктуру керек эле.

- Бизде андай деген болбойт. Бизде кулак-тамак-мурунду чогуу караган дарыгер - өзүнчө, көз доктур өзүнчө.

- Жок, мага кулак-көз доктурун таап бергиле!

- Деги эмнеңиз ооруп жатат?

- Советтик үналгыдан укканым - башка, көз менен көргөнүм, негедир, таптакыр башка болуп атат. Мени текшергиле!

* * * * *