Кыргызстандык белгилүү укук коргоочу Азиза Абдирасуловага 21-январда Европа кеңешинин Раул Валленберг атындагы сыйлыгы тапшырылды.
Орусияда миграциялык мыйзамдардын катаалдашы кыргызстандык эмгек мигранттарынын турмушуна олуттуу сокку урду. Айрыкча мигранттардын балдарын мектепке кабыл алууда киргизилген жаңы талаптар миңдеген үй-бүлөлөрдү тагдыр чечкен тандоого түрттү.
Назгүл Коңурбаева, журналист. Автордун пикири "Азаттыктын" көз карашын чагылдырбайт.
Мурдагы депутат Аккулу Бердиев үй-бүлөлүк зомбулукка жана алдамчылыкка айыпталып кармалды. Анын аялы көп жылдардан бери зомбулукка кабылып келгенин, күйөөсү көп аял алганын айтып, бийликке кайрылган эле.
Алдамчылык фактысына жана зомбулукка байланыштуу кармалган Жогорку Кеңештин мурдагы депутаты Аккулу Бердиев эки айга камалды. ИИМ 2022-жылы ал алдоо жолу менен акча алып, жеке максаттарына жумшаганын билдирген. Ага чейин анын жубайымын деген аял зомбулукка кабылганын айтып, бийликке кайрылган.
WhatsApp тайпаларда уландарды бирөө кемсинтип, ар кандай ыкма менен коркутуп жаткан видео тарады. Өспүрүмдөр мазакталып, видеого тартылган фактыны Бишкектин Свердлов райондук милициясы атайын журналга каттап, териштирүү жүргүзүүдө. "Азаттык" үрөй учурган окуяга тушуккан балдарга жолугуп келди.
Бишкекте дарыгер Айгүл Зибированын жакындары анын өлүмүндө күмөндүү жагдайлар бар экенин билдиришти. Алардын айтымында, Айгүл көз жумган маалда мурдагы жигити жанында болгон. Дарыгердин өлүмүнүн себеби катары асфиксия деген корутунду чыгарылган.
Жибек Урустемованын өлүмүнө байланыштуу иште эки милиция кызматкери камалды. Алар маркумдун "коргоо ордерине" жана кылмышка шектүү алып жүргөн тапанчага байланыштуу жагдайлардан улам кармалды.
Күйөөсүнүн колунан каза болгон Жибек Рустемованын сөөгү жерге берилди. Аны өз үйүндө күйөөсү тапанча менен атып салган. Кылмышка шектүү кармалып, "Адам өлтүрүү" беренеси менен кылмыш иши козголуп, тергөө жүрүүдө.
Бишкекте төртүнчү Элдик курултайга 700дөй делегат катышууда. Бул жолу көйгөйлөрдү айткандар менен кошо бийликтин дарегине мактоо жолдогондор басымдуу болууда. Курултайда президент Садыр Жапаров сүйлөп, аялдар менен балдарды коргоо маселесине токтолду.
Кыргызстанда күйөөсүнүн колунан дагы бир аял каза тапкан окуя катталып, коомчулукту нес кылууда. Бишкекте болгон окуянын чоо-жайы иликтене баштады. Укук коргоочулар өлкөдө аялдарга зордук-зомбулук токтобой жатканын айтып, өкмөттү буга көңүл бурууга чакырууда. Бийлик аракет көрүлүп жатканын айтууда.
Аксыда мындан бир жарым ай мурда каза болгон Гүлмээрим Карабалаеванын туугандары УКМК төрагасына кайрылып, бул ишти тергөөнү өз көзөмөлүнө алууну суранып жатышат.
Дагы жүктөңүз
