Жаза аткаруу кызматы 2024-жылдан бери абакта отурган акын Аскат Жетигендин саламаттыгы начарлап кеткенин четке какты. Мунун алдында акындын темир тор артынан жазган каты делген билдирүү соцтармакка жарыяланып, анда Жетиген башы көп ооруп жатканына даттанган.
Алайлык Кадырбек Жээнбаев үч айылдашы анын апасын зордуктап, бирок жазасыз калганын айтып, тиешелүү органдардын эшигин каккылап жүргөнүнө көп болду. Ал зордуктоодон улам энеси бир айда каза тапканын айтып, үч шектүү бат эле мунапыс менен эркиндикке чыгып кетти деп нааразы.
Камактагы активист Тилекмат Кудайберген уулу өзүнө козголгон кылмыш ишин кайрадан карап чыгууну суранды. 10-июлдагы соттук жараянда активист абакта негизсиз отурганын айтып чыкты. Кудайберген уулунун ишине жакында экс-депутат Эмил Жамгырчиевдин маегинен соң кайрадан көңүл буруп жатат.
Ошто 2007-жылы ооруканада ВИЧ жуктуруп алган балдардын ата-энелери акцияга чыкты. Алар өкмөткө кайрылып, буга чейин берилген убадалар толук аткарылбай калганын айтышты.
Өткөн аптада УКМКнын экс-төрагасы Камчыбек Ташиев баш болгон сегиз киши "бийликти күч менен басып алууга" күнөөлүү деп табылып, бирок пробация менен эркиндикте калды. Активисттер жана юристтер мындай гумандуу чечим буга чейин пикири үчүн камалгандарга да колдонулушу керек деген пикирде.
Кыргызстанда көп аялдуулук мыйзам менен тыюу салынганына карабай, көмүскөдө нике кыйдырып жашагандар бар. Расмий статистика жок болгондуктан, көйгөйдүн чыныгы масштабы белгисиз бойдон калууда.
Баш прокурор Максат Асаналиев УКМК башчысынын милдетин аткаруучу болуп дайындалды. Анын ордуна Малик Бектурганов баш прокурордун милдетин аткара турган болду. “Ынтымак Ордо” соңку кадрдык жүрүштүн себеби тууралуу маалымат бере элек.
Сот Бишкектин бир топ аймагында тынч жыйын өткөрүүгө чектөөнүн мөөнөтүн дагы узартты. Мындай тыюуга төрт жылдан ашты. Бийлик өлкөдө сөз эркиндиги бар экенин, жарандар сунуш-талаптарын ачык айтып келатканын, укук коргоочулар, активисттер тынч жыйындардын бардык жерде өтүшү маанилүү экенин белгилешет.
Түркияда Кыргызстандын дагы бир жараны диний аалым Фетхулла Гүлендин “Хизмет” (Түркия “Фетхуллачы террордук уюм” деп жарыялаган) кыймылына байланышы бар деген шек менен кармалды. Ал 34 жаштагы Эрмек Сабыржанов. Үй-бүлөсү менен Анкара аркылуу Кипр аралына эс алууга бараткан жерден кармап кетишкен.
ХХ кылымдын башында кыргыздардын мамлекеттүүлүк жөнүндө түшүнүктөрү кандай болгон? Ошол доордун каармандарынын бири, совет мезгилинде басмачы катары ысымы эскерилбей келген Төрөкул Жанузаков тууралуу эмне билебиз? Тарыхчы Элебай Турганбаев менен талкуулайбыз.
11 жаранга Биринчи май райондук соту “бийликти басып алуу” беренеси боюнча актап, башка беренелер менен жаза чегерди. Алардын алтоо 7 жылдан 9 жылга чейин эркинен ажыратылып, калгандарына үч жылдык пробациялык жаза берилди. Адвокаттар жана жакындары шектүүлөрдүн күнөөсү далилденбегенин айтышат.
Бишкек шаардык соту 23-апрелде журналист Махабат Тажибек кызынын адвокаттарынын аппеляциялык арызын карады. Бир ай мурда Тажибек кызы Ленин райондук сотунун чечими менен абактан чыккан. Ленин райондук соту анын бөгөт чарасын өзгөртүп, эч кайда кетпөө тил каты менен бошоткон.
Дагы жүктөңүз
