Орусияда “Крокус Сити Холлдогу” кол салууга байланыштуу теги тажикстандык дагы бир адам кармалды. Учурда аталган жайда иштеген мигранттардын баары суракка алынып жатканы маалым болду. Ал арада Орусиянын жетекчилиги мигранттарга каршы маанайдагы билдирүүлөрдү жасоону улантууда.
Кемпир-Абад иши боюнча айыпталып, камакта жаткан оппозициялык саясатчы Равшан Жээнбеков абактагы дагы бир саясатчы Азимбек Бекназаров экөөнө психологиялык кысым көрсөтүлүп жатканын билдирди. Азырынча Жаза аткаруу кызматы мындай дооматка жооп бере элек.
Орусия бир нече жумадан бери артиллериялык, ракеталык, дрон чабуулдарын күчөттү. Киев абадан коргонуу системасы үчүн курал-жарак, ок дары түгөнүп баратканын кайталап, АКШдан жардам пакетин тезинен бекитүүнү суранып жатат.
Санариптик өнүктүрүү министрлиги Кыргызстандагы интернет провайдерлерге ТикТок платформасын бөгөттөөнү тапшырды. Өткөн жылы Маданият министрлиги бул социалдык тармакты тыюу чечимин чыгарган.
Кыргызстанда медицина, билим берүү, адам укугу сыяктуу социалдык долбоорлорду жүзөгө ашырып келген “Сорос-Кыргызстан” фонду өз ишин токтотууда. Уюм жабылышына өлкөдө кабыл алынган бейөкмөт уюмдар жөнүндө мыйзам себеп болгонун, анда “чектөөчү жана так эмес эрежелер” бар экенин белгиледи.
Жогорку Кеңеште сессияга келбей калгандардын ордуна башка депутаттардын добуш бергени боюнча маселе кайрадан көтөрүлдү.
Сексенден ашуун ирандык жана эл аралык укук коргоо уюмдары 10-апрелде Бириккен Улуттар Уюмуна кайрылып, Ислам жумурияты маңзатка байланышкан кылмыштар үчүн өлүм жазасына тартууну токтотсо гана кызматташууну улантуу шартын коюуга чакырышты.
Тышкы иштер министрлиги (ТИМ) Кыргызстандын Москвадагы элчилигинин кеңешчиси Манас Жолдошбековдун үй-бүлөсүнө карата орус полициясынын орой мамилесин айыптап, нота тапшырды. Орусия тарап окуяны териштирүүнү убада кылды.
Соңку убактагы аялдарга карата зомбулуктар чыгармачыл чөйрөнү да түйшөлтүүдө. Кээ бир маданият өкүлдөрү зомбулукка каршы биргелешип күрөш жүргүзүүнү сунуштаса, айрымдары кылмыш жасагандарды оор жазага тартуу керектигин коңгуроо кагып жатышат.
Газалыктар Орозо айтты согуш шартында белгилеп жатышат. Ачарчылык коркунучу тооруган анклавдын тургундары майрамдоого шарты да, маанайы да жоктугун айтышат. Анын үстүнө Израил аскерлеринин чабуулдары токтобой жатат. АКШнын президенти Израил премьеринин Газадагы саясатын “катачылык” деп атады.
Эмне себептен эл каржы пирамидасына алданууда? Каржы тармагындагы шылуундукту антип аныктаса болот? "Эже-сиңдилер" берүүсүндө каржы пирамидаларынын зыяны жана алдамчылыктын түрлөрү талкууланды.
Дагы жүктөңүз
