Кыргыз эл баатыры, режиссер, белгилүү саясий ишмер Дооронбек Садырбаев быйыл тирүү болгондо 85 жашка чыкмак.
Улуттук “Манас” театры Бишкекте “Андай эмес” деп аталган айтыш-концертин тартуулады. Уюштуруучулар бул кечени акындардын дарегине айтылган айрым сындарга жооп катары уюштурганын айтышат. Эл төкмө акындарды адилеттикти туу тутуп ырдаган өнөр ээси деп билет.
Ак таңдай акын Элмирбек Иманалиевдин туулган күнүндө шакирттери эскерүү концертин тартуулап, айтыш уюштурду. Ак таңдай төкмөнүн шакирттери өлкөдөгү саясаттан тартып, аялдар укугу, миграция, эне тил сыяктуу талылуу маселелерге кайрылышты.
“Азаттыктын” студиясында сынчы, адабиятчы Аскар Медетов менен акын, котормочу Жыргалбек Касаболотов катышкан талкууда улуттук көркөм адабияттын өнүгүү багытындагы тенденциялары, айрым оош-кыйыштар, кийинки муундагы калемгерлердин чыгармачылыгындагы айрым өңүттөр тууралуу сөз болду.
Стив Свердлоу – Эл аралык HRW уюмунун Борбор Азия боюнча мурдагы улук изилдөөчүсү, аталган уюмдун Кыргызстандагы, Өзбекстандагы жана Тажикстандагы өкүлчүлүктөрүн жетектеп келген укук коргоочу катары таанымал. Бирок анын көпчүлүк биле бербеген дагы бир кызыктуу өнөрү бар.
Баткендин чек арага жакын Ак-Татыр айылынын тургундары Бактыгүл менен Апиза эл аралык уюмдун колдоосу менен ишкерлик баштап, айылда популярдуу ашпозчуларга айланган. Алардын колунан чыккан даамдуу тамак-аш ар бир жакшылыктагы дасторкондун берекесин арттырат.
Акын Какен Алмазбековдун “13 жашар баланын арманы”, “Чагылган”, “Албырып шаттык жүзүнө”, “Сагынам” өңдүү элдин жүрөгүнөн түнөк тапкан жүздөгөн чыгармалары жарым кылымдан бери маанисин жогото элек.
“Элдин балдары” видеоподкастынын бул жолку коногу - скульптор Тамила Маматова. Элеттик кыз кантип эл аралык деңгээлде таанылган айкелчиге айланды? Өнөр аркылуу жарандык позицияны туюнтуу мүмкүнбү? Скульпторлордун жаңы мууну эмнеге муктаж? Маектен көрүңүз.
Улуттук консерваториянын профессору, Кыргыз Эл артисти Улукмырза Полотов быйыл 80 жашка чыкты.
Белгилүү куудул, актер, обончу, Кыргыз Эл артисти Күмөндөр Абылов кыргыз сахнасындагы куудулдук өнөр, актердук мүмкүнчүлүктөр жана тоскоолдуктар, улуттук баалуулуктар жана ысырапкорчулук өңдүү көйгөйлүү темаларынын айланасында сыябан - маек курду.
Лейлек районундагы уздар жаңы жабдыктын жардамы менен килем токуй башташты. Бишкектен жасалган бул шайман иштин түмөн түйшүгүн кыйла жеңилдетет. Адатта жерге отуруп алып, килем согуу бир топ оор. Уздар жаңы жабдык ишти жеңилдеткенине кубанганы менен килемдин баасы чыкпай жатканына кабатыр.
Токтосун Тыныбеков атындагы Жалал-Абад облустук филармониясы Бишкек шаарында алгачкы отчеттук концертин өткөрдү. Эгемендик мезгилдерде чыгармачыл жамааттын борбордо маданий саамалыктары уюштурула элек болчу.
Дагы жүктөңүз
