Түрк драматургу Тунжер Жүженоглу бул көрүнүштү баяндаган "Аялдар баш калкалоочу жай" спектаклин Бакен Кыдыкеева атындагы жаш көрүүчүлөр театрынын жамааты сахналаштырды.
Кыл кыяк - элдик аспаптардын бири. Ал муң-зарлуу кайрыктарды өзүнө камтып, өткөн доордун музасын чакырып турат. Белгилүү кыл кыякчы Бакыт Чытырбаев - кыл кыякты кийинки муунга кеңири жайылтууга аракет кылып жаткан өнөр адамы.
"Интерньюс" уюмунун Кыргызстандагы өкүлчүлүгү “Билим айтыш” долбоорун баштады. Анда төкмө акындарды медиасабаттуулук жана алардын чыгармачылыгын социалдык тармактарда жайылтуу боюнча окутууда.
Эгемендиктен кийин кыргыз киносуна келген аял кинорежиссерлордун бири Дамира Тилепбергенова документалист, жазуучу, акын катары да белгилүү.
Маданияттын мыкты кызматкери, белгилүү театр жана кино актёру Нуржаасын Жумагулов учурда бөйрөгүн алмаштырууга муктаж. Ал борбордогу жеке гемодиализ борборлорунун биринде дарыланып жатат. Актёрдун операциясы үчүн азыр бир топ каражат керектелүүдө.
10-июнда Токтогул Сатылганов атындагы улуттук филармонияда дүйнөгө белгилүү швециялык скрипач Даниэл Лозаковичтин концерти өттү. Маданий иш-чара кыргыз-швед дипломатиялык мамилелеринин түзүлгөндүгүнүн 30 жылдыгына карата уюштурулган.
Акын Мирлан Алтымыш уулу 200 түтүн эл жашаган Токмок шаарынын четиндеги дачада айыл башчы болуп иштейт.
Жазуучу, теги украиналык Олег Бондаренко Кыргызстанга 30 жыл мурда көчүп келген. "Санарип дүйнөдө кыргыз адабияты жоголуп кетпеши керек" деген тилек менен ал Орто Азиядагы ири ачык онлайн-китепкана негиздеп, аны 14 жылдан бери иштетип келе жатат.
Белгилүү акын, маданиятка эмгек сиңирген ишмер, маркум Зайырбек Ажыматовдун туулган күнүн утурлай анын жакындары эки китебин жарыкка чыгарып, 27-майда бет ачарын өткөрдү. "Доско кат" аттуу китепке буга чейин жарык көргөн жана жазылып, жарыяланбай калган ырлары, поэмалары, котормолору камтылган.
Кыргыз Эл акыны, Омор Султанов интеллектуалдык деңгээли бийик, чабыты кенен, поэзиянын туу чокусуна чыккан классик акын катары таанымал. Лириканын паашасы атыккан акын Омор Султанов эки ай мурда, быйыл 4-апрелде 87 жаш курагында акыркы сапарга узаган.
Муратбек Рыскулов атындагы Нарын облустук музыкалык академиялык драма театры 85 жылдык мааракесине карата отчёттук театр жумалыгы менен Бишкекке келди. Чыгармачыл топ борбор калаадагы сапарын Кыргыз Эл жазуучусу Султан Раевдин "Оо, кыздар" драмасы менен жыйынтыктады.
Дагы жүктөңүз
