Curltai Folk чыгармачыл тобу төкмө акындар арасында эркин айтыш уюштурду. Негизги максат айтыш өнөрүнө заманбап түс берип, жаштарды кызыктыруу болгондуктан, иш-чара заманбап форматта өткөрүлдү. Ага "Азаттык+" командасы да катышып келди.
Бишкекте жалгыз бой энелерге арналган фотокөргөзмө ачылды. Ага "Азаттык" радиосунун фото кабарчысы Гүлжан Турдубаеванын жалгыз бой энелердин жашоо турмушун чагылдырган 20дан ашык документалдык сүрөтү коюлду. Көргөзмө балдарын жалгыз тарбиялаган энелерге дем берүү максатында уюштурулган.
Жаш сүрөтчүлөрдүн эл аралык пленэри "Ала-Арча" улуттук паркынан башталды. КМШ, Прибалтика жана Грузия өлкөлөрүнөн келген ондогон жаш сүрөтчүлөр 10 күн бою Кыргызстандын кооз жерлерин сүрөткө тартып, өз ара тажрыйба алмашышат. Мындай иш-чара 10-ирет өткөрүлүп жатат.
Бишкекте жекшембиде Curltai Folk чыгармачыл жаштар тобу уюштурган төкмө акындардын эркин айтышы өттү. Айтыш өнөрүн көрармандарга жаңы форматта сунуштоого аракет кылган жаштар заманбап технологияларды колдонуу менен уюштурушту.
Ошто 14-декабрда "Поэзия зомбулукка каршы" иш-чарасы өттү. Анда бир катар акындар гендердик теңчилик, зордук-зомбулукка каршы, жаштарды тарбияга, кыз-келиндерди урматтап-сыйлоого чакырган ырларын окушту. Уюуштуруучулар үй-бүлөлүк зомбулук көйгөйүн чыгармачылык аркылуу элге жеткирүүнү көздөшөт.
Кыздар, аялдар жана энелер үчүн түзүлгөн "Чырак" билим берүү долбоорун колдоо максатында IT CLASSICA аттуу кайрымдуулук концерти өттү. Чогулган каражат графикалык дизайн, веб дизайн, SMM дизайн өңдүү окууларды ишке ашырууга жумшалат.
Орусиянын атынан Eurovision-2021 сынагына катышкан тажик тектүү ырчы Maнижа жана анын апасы Наджиба Усманова "Эже-Сиңдилер" берүүсүнө маек курду.
Жашы жетимишке таяган Шайырбү Сагынбаева бир нече жылдан бери онкологиялык диагноз коюлган кыз-келиндерге, аялдардын дарылануусун колдоо үчүн чакан тигүү цехти иштетип келет.
Кыргызстандагы алгачкы аял дирижер Токтогул Сатылганов атындагы улуттук филармониянын башкы хормейстери, Кыргыз Республикасынын маданиятына эмгек сиңирген ишмер Гүлбара Маматова “Азаттыкка” сыябан-маек курду. Маекте дирижер хор өнөрүнүн өзгөчөлүгү жана андагы 45 жылдык эмгеги тууралуу ой бөлүштү.
Экинчи топтогу майып Улукбек Букарадинов Нарынга "Чексиз" аттуу социалдык ишкана ачып, майыптыгы бар беш балага жумуш ордун түзүп берди. Ал эл аралык уюмдарга долбоор жазып, сувенир чыгарган жабдууларды сатып алган, ошондой эле машыгуу залын ачты.
Жалал-Абад облусунун Ала-Бука районунун тургуну Гүлмайрам Карабаева короосуна эки кабатту күнөскана куруп, анда 500 жүздөн ашуун сейрек гүлдүн түрлөрүн өстүрөт. Арасында 20 миң сомдук гүлдөрү да бар.
Жаңы технологиялык шоу Кыргызстанда октябрдан 2021-жылдын аягына чейин өтүүчү МИКСТУРА арт-фестивалынын бир бөлүгү болуп эсептелет. «Мендеги шаар» бул - көрүүчүлөргө аудио форматта тартууланган спектакль.
Дагы жүктөңүз
