Буга чейин да бир нече орусиялык жылдыздардын клиптерине визуалдык эффекттерди коюп, фильмдер үчүн графикалык элементтерди жасаган.
Тургунбай Садыков атындагы Ош облустук көркөм сүрөт музейинде 4-март күнү «Турналар жаздын деми» аттуу көргөзмө ачылды. Анын автору, филолософия илимдеринин доктору, профессор Аида Балтабаева куурчактар аркылуу кыргыз аялдарынын жоолук салынуу түрлөрүн, алардын маани-маңызын ачып көрсөткөн.
Тогуз жаштагы Аяна эрендердин эр оюну - көкбөрү ойноо үчүн өзүн азыртадан даярданып келет. Анын кыялы - Кыргызстандын тарыхында алгачкы “улакчы кыз” болуу.
Гапар Айтиев атындагы Кыргыз улуттук көркөм сүрөт музейинде кезектеги сүрөт көргөзмө ачылды. Көргөзмө айкелчи Альбек Мухутдиновдун 85 жылдыгына, сүрөтчү Сабитжан Бакашевдин 80 жылдыгына жана сүрөтчү Мурат Бекжановдун 75 жылдыгына арналып, “Үч чебер, үч көз караш” деп аталат.
Эркингүл Акунова ак калпактын бир нече түрүн тигет. Анын айтымында, калпактын өзүнчө философиясы, терең мааниси бар. Андыктан сурап келген кишинин жаш курагына, дүйнө таанымына жараша иш кылат. Эркингүлдүн колунан чыккан калпактар накта кийизден жасалгандыктан, аны атайын келип алып кеткендер арбын.
Караколдук жаш сүрөтчү Иса Султанбеков тамдын бооруна Кыргызстандын жаратылышын түшүрүп, портреттерди да келтире тарткан сүрөтчү. Анын эмгегин баалагандар улам күн санап көбөйүүдө.
Маданиятка эмгек сиңирген ишмер, ондогон поэтикалык китептердин автору жана У.Шекспирдин, Ф.Шиллердин драмалык чыгармаларын которгон акын Бактыгүл Чотурова менен чыгармачылыктагы чыйыры, соңку жаңылыктары тууралуу маек.
Кыргыздын чыгаан театр жана кино өнөрпозу Жамал Сейдакматованын сөөгү 17-февралда Ала-Арча көрүстөнүнө коюлду. Абдылас Малдыбаев атындагы опера жана балет театрынын астында өткөн коштошуу зыйнатына бийлик өкүлдөрү, маданият жана коомдук ишмерлер, актрисанын замандаштары жана жакындары катышты.
Быйыл “Айтыш” коомдук фондунун 20 жылдыгы белгиленет. Кыргызстанда төкмөлүк өнөр кандай абалда? Төкмө акындардын чөйрөсүндө эркиндик, чыгармачыл атаандаштык барбы? Бул өнөрдүн агартуучулук ролу кандай? Алдыда айтыш өнөрүнүн күнгөй-тескейин "Сыябан" рубрикабызда талкууладык.
Алай районунун Сары-Могол айылындагы "Ууз-Даткалар" коомдук бирикмеси кыргыз куурчактарынын коллекциясын чыгарды. Улуттук кийимдер куурчактар үчүн атайын тигилген. Коллекцияда жети куурчак бар.
Нурмат Осмонбеков жана Баяман Ниязалиев Бишкекте «Бар академиясын» ачкан. Эки дос чет мамлекеттерде иштеп жүрүп, Кыргызстанда эл аралык стандарттарга жооп берген ыкмаларды үйрөтүүнү максат кылышкан. Азыр бариста (кофе даярдоочу) жана бармендик кесип боюнча окуулар жалаң англис тилинде өтүп жатат.
Баткендеги Апаз Жайнаков атындагы музыкалык драма театрынын ачылганына 15 жыл болду. Мындан 40 жыл мурда айылдык маданият үйү үчүн курулуп, кийин театрга берилген имарат өткөн жылы гана толук ремонттолгон.
Дагы жүктөңүз
