"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
АКШда демократтардын арасында президент Жо Байдендин кийинки шайлоого катышуу жөндөмү, жаш курагы жана Трампты утуп чыгуу мүмкүнчүлүгү тууралуу талкуулар күч алды.
Израил армиясынын 6-июлда Газадагы мектепке жасалган аба соккусунан кеминде 16 кишинин өмүрү кыйылганын аймактын жетекчилиги билдирди. Ондогон адам жараат алганы кабарланды. ЦАХАЛ сокку мектептин аймагында жашырынган террорчуларга каршы багытталганын жүйө кылды.
Астанада Шанхай Кызматташтык Уюмунун (ШКУ) кезектеги саммитинде аймактык бирикмеге Беларус мүчө болуп кирди. Батыш менен мамилеси курчуп турган Орусия менен Кытай активдүү роль ойногон уюмдун кеңейишинин мааниси кандай жана дүйнөдөгү кырдаалга кандай таасирин тийгизет?
Тарых илимдеринин кандидаты Назгүл Рысмендеева Чехиядагы кыргызстандыктар менен "Чүкөнүн сакралдуу дүйнөсү" деген жолугушуу уюштурду. Анда өзүнүн "Чүкө жана ордо оюндары" китебин тааныштырып, чүкөнүн тарыхы, ар багыттуу мааниси тууралуу кеңири айтып берди.
Францияда парламенттик шайлоонун жыйынтыгына каршы жүздөгөн адамдар 1-июлга караган түнү көчөгө чыкты. Добуш берүүнүн биринчи айлампасынын жыйынтыктарына караганда, ашынган оңчулдардын партиясы алдыга чыкты. Анын лидери 28 жаштагы Жордан Барделла өкмөт башчы болуу дымагын жар салды.
Кошмо Штаттардын президенти Жо Байден жана алдыдагы шайлоодо ага башкы атаандаш болчу республикачы Дональд Трамп 27-июндагы теледебатта тышкы саясат, Орусиянын Украинага каршы согушу, ички экономика, аборт сыяктуу маселелер боюнча талашып тартышты.
Алдыдагы беш жылда дүйнөдө кандай кесиптер актуалдуу болот жана жаштар жашоодо өз ордун таап, мыкты карьера куруп кетүү үчүн кандай жөндөмдөргө ээ болушу керек? Гарвард, Колумбия, Сассекс сыяктуу алдыңкы окуу жайларда билим алган кыргызстандыктар өз ойлору менен бөлүштү.
АКШнын мамлекеттик департаменти 26-июнда Дүйнөдөгү дин тутуу эркиндиги боюнча жылдык баяндамасын жарыялады. Анда ондогон мамлекеттердеги абал сүрөттөлөт. Борбор Азияда диний азчылыктардын укугу чектелген жагдайлар кездешип, диний кийимдерге тыюу салынганы белгиленген.
АКШнын жана Орусиянын коргоо министрлери Ллойд Остин жана Андрей Белоусов телефондон сүйлөшкөнүн 25-июнда Пентагон билдирди. Тараптар Украинанын айланасындагы кырдаалды талкуулады. 26-июнда Украинанын президенти Владимир Зеленский айыгышкан салгылаш жүрүп жаткан Покровски шаарына барды.
WikiLeaks сайтынын негиздөөчүсү Жулиан Ассанж тагылган айыпты жарым-жартылай моюнуна алууга макул болуп, эркиндикке чыкты. Маалыматка караганда, Лондондун Жогорку соту аны күрөөгө бошотту. Ассанж АКШга караштуу Түндүк Мариан аралдарынын аймагына учуп кетти.
Расмий Бишкек кырдаалдын чыңалышынан улам Израил менен Ливанда жашаган кыргызстандыктарды этият болууга чакырды. Байкоочулар “Хезболла” менен Израилдин ортосунда согуш тутанса, кесепети кыйла оор болорун айтышууда.
Тажикстанда соңку жумаларда мурдагы министрлер, дипломат жана депутат кармалганын медиа каражаттары жазышты. Эки экс-министр тууралуу маалыматты расмий органдар бышыктай элек. Экс-депутат Саиджафар Усмонзода “мамлекеттик бийликти басып алуу аракетин көрүүгө” айыпталууда.
Сузакта Кыргызстандын желегин өрттөп, ордуна арапча жазуусу бар ак матаны илип кеткен окуяга байланыштуу бир нече адам, арасында 16-19 жаштагы кыздар кармалды.
Сот арачылары АКШ президенти Жо Байдендин уулу Хантерди курал сатып алып жатканда маңзат колдонорун жашырып койгону үчүн күнөөлүү деп тапты. Ал 25 жылга чейин эркинен ажыратылышы мүмкүн. Бирок аймактык судья Мэриллен Норейка өкүм 125 күн ичинде чыгарын жарыялады.
Европарламентке болгон шайлоонун жыйынтыгы Евробиримдик менен Борбор Азиянын алакасына таасирин тийгизеби? Шаркет ичиндеги миграциялык саясатта кандай өзгөрүүлөр болушу мүмкүн?
Израил өкмөтүнүн аскердик кабинетиндеги үч кишинин бирөө - Бенни Гантц 9-июнда кызматтан кетерин жарыялады. Ал өкмөт башчы Биньямин Нетаньяхунун согушту жүргүзүү аракеттерин сынга алды.
АКШ, Германия, Франция, Британия жана дагы 10дон ашуун өлкө Украинага Орусиянын аймагына сокку урууга уруксат берди. Москва “ассиметриялык жооп” болорун эскертти. Батыш мамлекеттеринин узактан бери саясатын өзгөртүшүнө эмне себеп? Бул чечим согуштун нугун бурушу мүмкүнбү?
АКШ президенти Жо Байден Мексика аркылуу мыйзамсыз киргендерге баш паанек берүүгө тыюу салган мыйзамга кол койду. Бул убактылуу чара түштүк чек арадан мыйзамсыз өтүүнү көздөгөндөрдүн санын кыскартууга багытталганы кабарланды. Жаңы чектөө Америкага мыйзамсыз кирүүгө ниеттенген кыргызстандыктарга канчалык таасирин тийгизет? Дегеле бул чектөө канча убакытка созулат?
Эми Американын аймагына Мексика аркылуу мыйзамсыз киргендер АКШ бийлигинен башпаанек сурай албайт. Тиешелүү буйрукка АКШ президенти Жо Байден 4-июнда кол койду. Бул убактылуу чара түштүк чек арадан мыйзамсыз өтүүнү көздөгөндөрдүн санын кыскартууга багытталган.
Нью-Йорк штатыныдагы сот арачылары АКШнын мурдагы президенти Дональд Трампты документтерди фальсификациялоо иши боюнча айыптуу деп тапты.
Дагы жүктөңүз
