Газа: Израилдин соккусунан 50дөй киши набыт болду, журналист окко учту

15-декабрда Газа тилкесинин бир нече шаарына, анын ичинде качкындар баш калкалаган жайларга жасалган Израил армиясынын аба соккуларынан 50дөн ашуун адамдын өмүрү кыйылды. Бул тууралуу жергиликтүү дарыгерлер билдирди. ЦАХАЛ соккуларын ХАМАС радикал уюмуна каршы операция катары түшүндүрдү. Бул топ АКШ менен Евробиримдикте террордук деп таанылган. Израил коңшу Сириядагы оккупацияланган Голан дөңсөөлөрүндөгү жөөт конуштарынын санын эки эсе көбөйтүүнү чечти.