«Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган.
Анын абалы оор бойдон калууда. Өзбекстан Ички иштер министрлиги бул жаранды психикалык оорулуу болчу деп чыкты. Анын жакындары болсо, Улуттук коопсуздук комитетинин басымына чыдабай, өзүнө-өзү кол салганын билдиришти.
Түркмөн президенти Гурбангулы Бердымухаммедов Лебап облусунда «Алтын доор» деп аталган заманбап жаңы конуш курдуруп, үйлөрдү элге таратып берди.
Орусиянын «Комсомольская правда» гезитин Тажикстанда сатууга тыюу салынды. Тажик бийликтери гезиттин акыркы сандарында тажиктерди шылдыңдаган макалалар чыккандан улам ушундай кадамга барганын билдиришти.
Өзбекстандын Бухара облусуна караштуу Кара-Кол районунда 15 сопу соттолду. Илимий аталышы суфизм, кыргызча сопу деп аталган дербиштер тобунун төртөө төрт жылга эркинен ажыратылып, калгандары айып пул төлөмөй болушту. Аларга мыйзамсыз диний уюм түзгөн деген айып тагылды.
Өзбекстандын айрым облустарында Тез жардам чакырган дарекке дарыгерлер жөө барышууда. Сыр-Дарыя облусунда Тез жардам кызматы бензин акысын төлөбөгөн жарандарга баруудан ачык баш тарткан. Бирок жергиликтүү аткаминерлер мындай болушу мүмкүн эмес дешет.
Тажикстанда салафилердин лидери сегиз жылга эркинен ажыратылды. Бирок ал соттун өкүмүнө нааразы болуп чыкты.
18-июлдагы Казакстандын Алматы шаарындагы Ички иштер башкармалыгына кол салуунун себептерин иликтөөдө президент менен ИИМдин пикири эки ача чыкты. Бүт Алматыны дүрбөткөн окуяны президент Назарбаев террордук акт деп бааласа, аны ИИМ министри жөн гана жалгыз адамдын өч алуу аракети катары сыпаттады.
18-июлда Казакстандын Алматы шаарындагы райондук ички иштер бөлүмүнө куралдуу кол салуу болду. Беш офицер окко учуп, сегиз жарадар ооруканага түштү. Президент Назарбаев окуяны террордук чабуул деп атап, элди чагымга алдырбоого чакырды.
Франция президенти Франсуа Олланддын жеке чачтарачынын маянасы 10 миң евро экени шардана болду. Мунун айынан ансыз деле калк алдындагы кадыры аз Франция президентине карата нааразылык күчөдү.
Бириккен Улуттар Уюму Өзбекстандагы Шахрисабз шаарын жоголуп бараткан тарыхый мурастардын катарына киргизди. Өзбек бийликтери болсо тарыхый шаарды туристтер үчүн оңдоп-түзөп жатканын билдиришүүдө.
АКШ бийликтери Гуантанамо түрмөсүндөгү акыркы тажик тектүү жаранды Сербияга которорун жарыялады. Мындай чечимге алар алты жылдык ойлонуудан соң келишкен. Бул арада алыскы түрмөдө жаткан уулун күткөн энеси каза болуп калган. Эми тажикстандык туткун эркиндике чыгып, котормочулук кесип менен оокат кыларын убада кылууда.
"Өзбекфильм" Өзбекстан Ислам кыймылы тууралуу "Ыйык максат" деп аталган кино тартууда. Кинодо Өзбекстан Ислам кыймылынын түзүүчүлөрү Тахир Юлдашев менен Жума Намангани тууралуу баяндалат. Айрым тургундар жаңы кино унутулган террорчуларды кайрадан элдин эсине салат деп чочулашууда.
Казак бийлиги сыра магнаты Тохтар Тулешовду Кыргызстандын ыкмасы менен бийликти тартып алууга аракеттенген деп айыптады. Алты айдан бери абакта жаткан казакстандык ишкерге мурда коюлган айыптар өзгөртүлдү.
Өзбекстанда санитардык эпидемиологиялык станциянын кызматкерлери өкмөт башчынын буйругу менен айыл аралап, уйдун жампасын чогулта башташты.
Мигранттар тууралуу "Салам, Масква" деп аталган сериал тартылууда. Тасмада Москвага агылган мигранттардын турмушу ачык баяндалат. Адистер бул кино жергиликтүүлөрдү мигранттарга карата толеранттуу болууга тарбиялайт деп ишенишет.
Орусиянын бир нече шаарларында “Малика” деген соода аты менен таанылган кафелер сатыкка коюлду. Бул тамактануу жайлары Өзбекстандагы мамлекеттик Uz-Daewoo компаниясынын мурунку жетекчиси, азыр камакта жаткан Тахиржан Жалиловго таандык.
Өзбекстандын Жызак облусунда чочко чыры коомду чочутту. Өз үйүндө чочко баккан аялга айылдыктар таш атышып, айылдан көчүп кетүүсүн талап кылышууда. Жабырланган тургун айылдаштарынын бул аракетине бийликти айыптоодо.
Казакстандын баш калаасы Астананын күнүнө карата шаар калкы миллионго жеткени жарыяланды. Бирок мындай жаңылыкка казак коомчулугу ишенбей турат.
Бүт мусулмандар үчүн ыйык деп саналган Орозо айт майрамы ар башка өлкөдө бир күн айырма менен белгиленүүдө. Кыргызстан, Казакстан жана Орусия айтты 5-июлда майрамдаса, ал эми Өзбекстан, Тажикстан, Түркмөнстанда айт 6-июлда белгиленет. Кыргызстанда быйыл Бишкектин тургандары айт намазын Жеңиш аянтында, ал эми Оштун тургундары адаттагыдай эле борбордук аянтта окушту.
Тажикстандагы Рогун ГЭСин акыры италиялык компания курмай болду. 4 миллиард доллар деп бааланган ГЭСти куруу боюнча өткөрүлгөн тендер италиялык Salini Impregilo SpA компаниясы утканы расмий жарыяланганы менен каржы булагы сыр бойдон калууда. Рогун ГЭСин куруу Тажикстандын улуттук кыялы десе болот.
Дагы жүктөңүз
