"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
Казакстанда өлкө Конституциясы кабыл алынганынын 15 жылдыгы майрамдалууда. Астанадагы аскерий параддагы куттуктоо сөзүндө президент Назарбаев элдин эрки менен жаралган Конституция өлкөнүн өнүгүүсүнүн негизи болгонун белгиледи.
Апрель окуяларында жеке адамдарга өтүп кеткен көп сандаган куралдын сексен пайызын мамлекет кайтарып ала элек. Бул жөнүндө "Азаттыкка" билдирген “Антитеррор” коомдук бирикмесинин жетекчиси Артур Медетбековдун сунушу боюнча мамлекет жеке колдорго өтүп кеткен курал-жарактарды базар баасында сатып алганы туура иш болмок, анткени адамдар куралдарды өз ыктыяры менен кайтарып бериши арсар.
БУУнун Азык-түлүк программасы Кыргызстанда азык-түлүк баасы өскөндүгүн, түшүм быйыл начардыгын, өлкө түштүгүндө жүз миңдеген адамдар улут аралык кагылыштын кесепетин тартканын эске алуу менен кышты утурлай өлкөдөгү операцияларын кеңейтерин билдирүүдө.
Эл аралык кризис тобу деген уюм бүгүн Кыргызстандын түштүгүндөгү кырдаал боюнча баяндамасын жарыялады. “Кыргызстандагы талоондор” деген баяндамада июндагы улут аралык кагылыштын кесепеттерин жоюу боюнча ыкчам, чыныгы жана ар тараптуу чаралар көрүлбөсө, зордук-зомбулуктун жаңы айлампасынын кайталануу коркунучу бардыгы белгиленген.
Кыргызстандын Казакстандагы мурдагы элчиси Жумагул Сааданбеков кыргыз-казак алакаларына байланыштуу “Азаттыктын” түз ободогу суроолоруна жооп берди.
Иран 4-августта президенттин өмүрүнө кол салуу аракети жасалды деген кабарларды төгүндөдү. Махмуд Ахмадинежад өлкөнүн батышындагы Хамадан шаарында эл алдында сүйлөр алдында аны коштоп жүргөн автокербенге граната ыргытылгандыгы тууралуу жергиликтүү интернет сайттардын бири жазып чыккан эле. Расмий тараптын төгүндөөсүнөн кийин бул окуянын чоо-жайы түшүнүксүз болуп калды.
АКШ Иранга каршы жаңы санкцияларды жарыялады. Ага ылайык санкциялар Иран колдогон жана АКШда кара тизмеге киргизилген 21 компанияга, ирандык эки уюмга жана Вашингтон Талибан менен Хезболла топторун колдойт деп санаган ирандык расмий өкүлдөргө каршы киргизилди. АКШ ага катар өнөктөш өлкөлөрдү да Тегеранга каршы санкцияларын күчөтүүгө үндөөдө.
Кыргызстандын тышкы иштер министрлиги жергиликтүү ишкананын жүгү жана аны коштогон адамдар Өзбекстан аймагында кармалып жатканына байланыштуу расмий Ташкенттин дарегине нота жолдоду. Бул окуя жүк маселеси боюнча Өзбекстан менен Тажикстандын мамилесиндеги быйылкы чыңалууну эске салды.
Пакистанда бийликтер ири селдин кесепеттери менен күрөшүүдө. Андан бери дегенде бир миң бир жүздөн ашуун кишинин өмүрү кыйылды. Миңдеген адамдар али суу каптаган аймактарда камалып турат. Суу баскан аймактардан айрым жугуштуу илдеттер чыга баштады.
Польшада бүгүн президенттик шайлоонун экинчи айлампасы. Бул жолку шайлоо өлкө президенти Лех Качиньнски апрелдеги авиакырсыктан каза тапкандан кийин мөөнөтсүз өткөрүлүп жатат. Байкоочулар Польша президенти менен катар келечек багытын аныктап жатканын белгилешүүдө.
Чыгыш Европа жана Кавказ боюнча сапарын улантып, АКШ Мамлекеттик катчысы Хиллари Клинтон ишембиде Польшада болду. Ал жерде ракетадан коргонуу боюнча эки өлкө ортосунда жаңыланган келишимге кол коюлду. АКШ Мамлекеттик катчысынын ырастоосунда, бул система Орусияга каршы эмес, коргонуу гана максатын көздөйт.
2-июлда күчүнө киргени жарыяланган жаңы Конституцияга ылайык, Кыргызстанда Борбор Азиядагы биринчи парламенттик система түзүлөт. Бирок эксперттер Конституциянын негизги сыноосу али алдыда экендигин, саясий маданият жакшы калыптана элек өлкөдө жаңы системанын иштеп кетер-кетпеси кайра эле бийликке келүүчү саясий күчтөрдүн өзүнө көз каранды болорун белгилеп жатышат.
АКШнын Ооганстандагы күчтөрүн жаңы командачы жетектегени жатат. Сенаттын аскерий иштер боюнча комитети шейшемби күнкү угуу учурунда президент Барак Обама бул кызматка көргөзгөн генерал Девид Петреустун талапкерлигин жактырды. Эми аны Сенаттын толук курамы бекитүүсү керек. Жаңы командачынын айтымында, быйыл тогузунчу жылып жүрүп жаткан ооган согушу боюнча стратегияда олуттуу өзгөрүү болбойт.
Кыргызстандагы референдумга жана анын жыйынтыктарына өнөктөш өлкөлөрдүн айрымдары, эл аралык уюмдардын жетекчилери да мамилесин билдиришүүдө. БУУ, АКШ жана Евробиримдик референдумдун тынч өтүшүн кубаттады.
Кыргызстандагы референдум жана анын жыйынтыктарын айрым өнөктөш өлкөлөрдүн лидерлери чет элдик басма сөз да комментарийлеп жатат. Батыш гезиттеринде Кыргызстан аймактын алгачкы парламенттик демократиясына айланары айтылса, орус президенти бул система иштеп кетеринен күмөн санап турганын белгиледи.
Убактылуу өкмөт элге жана дүйнө коомчулугуна жасаган кайрылуусунда түштүктөгү трагедияны террордук диверсия деп атап, бийликтен кулатылган “үй-бүлө” өз элине каршы ондогон жалдангычтарды жибергенин белгиледи.
Кошмо Штаттардын расмий өкүлү шаршембиде Ташкентке барды. Мамлекеттик катчынын Түштүк жана Борбор Азия боюнча жардамчысы Роберт Блэйк Өзбекстандагы иш сапарынын алкагында Фергана өрөөнүндө кыргызстандык качкындар үчүн уюшулган лагерлердеги абал менен таанышат. Андан соң иш сапарын Кыргызстанда улантат.
Швейцария менен Ливия эки ортодогу дипломатиялык талашты жөнгө салууну караган келишимге кол коюшту. Аны натыйжасында эки жылдан бери түрмөдө отурган швейцариялык ишкер бошотулду. Мекенине кайтып келген соң ал Муаммар Каддафинин өкмөтүн өзүн жалгыз кишилик абакта кармаганы, уурдап кеткени үчүн айыптады.
Кыргызстандагы кырдаал тууралуу өткөн түнү БУУнун Коопсуздук Кеңешинде да сөз болду. Анын алдында жагдайды Евробиримдиктин тышкы иштер министрлери талкуулаган эле.
Бүгүн Ташкентте Шанхай кызматташтык уюмунун кезектеги саммити өттү. Күн тартибине уюмдун коопсуздук боюнча жогорку деңгээлдеги буга чейинки жыйындары үчүн мүнөздүү болгон салтуу, анын ичинде уюмдун ички маселелери киргизилгени менен саммиттин жүрүшүндө Кыргызстандагы кырдаал тууралуу да арбын сөз болду.
Дагы жүктөңүз
