"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
Апта башында Алматы шаарында Өзбекстандын качкын макамын алабыз деп жүргөн кырктан ашуун жараны кармалган. Алардын жыйырма бештейи учурда шаардык милициянын камак жайында жатат.
Ооганстандын түштүгүндөгү соңку жарылуудан бери дегенде 40 киши жайран болду. Расмий өкүлдөрдүн айтымында, жанкечти жардырууну Кандагар провинциясындагы кыштакта, үйлөнүү үлпөтү учурунда жасаган. Бирок Талибан бул кол салууга тиешеси жок экендигин айтып чыкты.
Азиядагы карым-катнаш жана ишеним чаралары кеңешмеси уюмунун эки күндүк саммити кечээ Түркияда башталды. Жыйындын расмий темасы “саясий жана коопсуздук диалогун” жакшыртуу деп аталганы менен Израилдин Газа секторуна жүк тартып бара жаткан кемелерге өткөн аптада жасаган жортуулу анда үстөмдүк кылган маселеге айланчудай.
Израиль армиясынын Газа секторуна гуманитардык жүк алып бара жаткан кемелерге жакында жасаган жортуулун Жакынкы Чыгышта тынчтык орнотуу боюнча ортомчулардын төртилик тобу талкуулаган жатат. Мунун алдында Израиль БУУнун башкатчысынын окуяга иликтөө жүргүзүү үчүн эл аралык комиссия түзүү сунушун четке какты.
Казак президенти Нурсултан Назарбаев президенттиктен улут көсөмүнө мыйзам аркылуу айлануудан баш тартты. Ал парламент өткөн айда кабыл алган мыйзамга кол койбой турганын жарыялаганы менен казак оппозициясынын өкүлдөрү бул маселе биротоло жабылды дегенди туюндурбасын айтышууда.
Иракта Фархуд деп аталып калган окуяларга ушул аптада туура 69 жыл толду. Багдадда 1941-жылы июнда, Экинчи дүйнөлүк согуш кызуу жүрүп жаткан учурдагы кол салуудан жөөт улутундагы 100дөн ашуун адамдын өмүрү кыйылган эле.
Ооганстанда бүгүн уруу башчылардын курултайы – лойа жырга ачылды. Бирок козголоңчулар ал башталар замат эле үзгүлтүккө учуратууга аракеттеништи.
Апта башында мурдагы президент Курманбек Бакиевдин Түркияга кеткендиги тууралуу бейрасмий маалыматтар тарап кеткен. Бирок бул өлкөнүн “Белта” жаңылыктар агенттигинин билдиргенине караганда, президент Лукашенко Могилев шаарында студенттер алдында сүйлөп жатып, К. Бакиев Беларуста болгонун, эки апта мурда анын үй-бүлөсү менен жолугушканын айткан.
Ташкент менен Дүйшөмбүнүн талашы НАТОнун Ооганстандагы күчтөрүн Тажикстан аркылуу жабдуу иштерин үзгүлтүккө учуратты. Тажик тараптын ырастоосунда, учурда Өзбекстандын аймагында кармалып турган эки миңден ашуун вагондун бери дегенде үч жүзү Ооганстандагы антитеррордук коалицияга багытталган жүк.
Америкалык “Wall Street Journal” басылмасы 25-майда “Борбор Азияда демократиянын гүлдөшүнө кам көрүү” деген аталыштагы макала жарыялады. Макала авторлорунун көз карашында, Кыргызстандагы демократиянын тагдыры кыргыздардын өзүнө эле эмес, коңшуларына да көз каранды болуп турат. Алардын экинчи элдик толкундоодон кийинки мамилесин эске алганда, Кыргызстан сырттан колдоого муктаж.
Босния – Герцеговинадагы саясий кырдаал мурдагыдай эле коркунуч алдында турганы Бириккен Улуттар уюмунун Коопсуздук кеңешинде кайрадан эскертилди.
Убактылуу өкмөттүн ич ара чыр-чатагын ачыккан чыгарган телефон сүйлөшүүлөрү, Баш мыйзамдын элге жарыяланган долбоору тууралуу саясат таануучу, Конституциялык кеңешменин мүчөсү Бекбосун Бөрүбашев "Азаттыкка" ой-пикирин бөлүштү.
Мурдагы президенттин Кыргызстанда кылмыш иши козголуп, издөө жарыяланган уулу Максим Бакиев менен бир тууганы Жаныш Бакиевдин телефон сүйлөшүүсү делген аудиотасма Интернетте жарыяланды.
Кечээ Ооганстанда НАТО күчтөрүнүн Кабулдун жанындагы Баграм авиабазасына жоочулар кол салып, уруш учурунда кеминде он куралчан жок кылынган. Бул окуя ооган борборунда жанкечти жасаган жардыруудан чет элдик алты жоокер жана карапайым он эки тургун каза тапкандын эртеси болду.
Казак–кыргыз чек арасы күчөтүлгөн тартипте кайтарылганына бүгүн 42 күнгө аяк басты. Казак расмий өкүлдөрү чек ара Кыргызстандагы саясий абал толугу менен турукташканда ачыларын билдирүүдө. Казак тарап буга чейин түшүндүргөндөй чек аранын жабылышындагы эң башкы жүйөө коопсуздук элеби же башка факторлор дагы барбы? “Азаттык” менен казак оппозициясынын чет өлкөлөрдөгү бюросунун башчысы Серик Медетбеков ой бөлүштү.
Казакстан 40 күндөн ашуун убакыттан бери жабык турган кыргыз-казак чек арасы Кыргызстандагы саясий кырдаал толугу менен турукташканда гана ачыларын, азырынча так мөөнөттү айта албасын билдирүүдө.
Казакстандык жаштардын “Абырой” деп аталган кыймылы 18-майда Астанада, өкмөт үйүнүн алдында флэш-моб акциясын өткөрүп, казак өкмөтүнүн айрым мүчөлөрүнө кыргыз-казак чек арасын ачууга чакырган катты жана Кыргызстанда өскөн алмадан бир даанадан тапшырууга жетишти. Бул акция тууралуу аталган кыймылдын төрагасы Азамат Жетписбаев “Азаттыкка” маек курду.
Ооган борбору Кабулда жанкечтинин бүгүнкү чабуулунан бери дегенде 18 кишинин өмүрү кыйылды. Жардыруу үчүн талибдер жоопкерчилик алды. Бул Кабулда соңку эки-үч ай ичиндеги эң кандуу кол салуу болду.
Ирандын өзөктүк программасынын айланасында түзүлгөн чалкеш кырдаалды жөнгөрүү аракетин ушу тапта Бразилия менен Түркия көрүүдө. Тегеранга кечээ дипломатиялык миссия Бразилиядан президент, Түркиядан тышкы иштер министри барган. Сүйлөшүүлөргө Түркиянын өкмөт башчысы да аралашканы турат.
Таиландда армия башкалаа Бангкоктун борборунун бир бөлүгүн “ок атылуучу аймак” деп жарыялады. Берилген эскертүүгө ылайык, армия ал аймакка кирген демонстранттарга каршы курал колдонуусу мүмкүн.
Дагы жүктөңүз
