Өзбекстан камактагы мурдагы башкы прокурор Рашид Кадыровдун кыйноого кабылганы тууралуу «Amnesty International» уюмунун билдирүүсүн четке какты.
Суданда президент Омар ал-Башир кызматтан кетип, бийликке аскердик кеңештин келиши талкууланып жатканы кабарланды. Президент кандай негизде бийликтен кеткени азырынча белгисиз.
1989-жылы Тбилисиде советтик режимге каршы чыгып, Грузиянын эгемендигин талап кылган митингдин катышуучуларын кууп таратуу учурунда 20дан ашык киши каза болгон.
Адам укуктары боюнча Европа соту орусиялык оппозиционер Алексей Навальныйды үй камагына алуунун "саясий өңүтү бар" деп тапты. Соттун чечиминде Орусиянын бийлиги Навальныйга байланыштуу Европа конвенциясын бузганы, моралдык зыян катары саясатчыга 20 миң евро төлөшү керектиги белгиленген.
Казакстанда мөөнөтүнөн мурда президенттик шайлоо жарыяланды. Убактылуу президент Касым-Жомарт Токаев кол койгон жарлыкка ылайык, кезексиз президенттик шайлоо быйыл 9-июнга белгиленди. Ага Токаев катышабы-жокпу азырынча белгисиз.
Украина президенти Петро Порошенко атаандашы, шоумен, актер Владимир Зеленскийге шайлоонун экинчи турун утурлай "Олимпийский" стадионундагы дебаттарды 14-апрелде өткөрүүнү сунуш кылды. Бирок Зеленский дебаттар 19-апрелде өтөөрүн билдирип жатат.
Кытайлык жарандарга турмушка чыккан өзбекстандык эки келин мекенине кайтарылды. Алар Өзбекстандагы Нике агенттиктери аркылуу кытайлыктар менен Интернетте таанышып, баш кошкон.
"Фейсбук" компаниясы социалдык тармактагы ак расанын үстөмдүгүн жактаган көз караштарга, экстремисттик билдирүүлөргө тыюу сала турган болду.
Сербия менен Косоводо НАТОнун аба чабуулдарынын 20 жылдыгы белгиленди. 24-мартта Белградда ашынган улутчулдардын жүрүшү өтүп, аба соккулардын курмандыктары эскерилди. Приштина 24-мартты Косовонун тарыхындагы бурулуш күн катары майрамдады.
Казакстандын Астана жана Алматы шаарларында 22-мартта Нооруз майрамында акцияга чыккан бир нече кишини полиция кармады. Алар башкалааны Нурсултан деп өзгөртүүгө жана бийликтин саясатына нааразылык билдирип чыгышкан.
Астанада шаарды Нурсултан деп өзгөртүүгө каршы чыккандар кармалды. Башкалаанын аталышы казак мажилиси кабыл алган мыйзамга президент кол койгондон кийин расмий өзгөрөт.
Гаагадагы Эл аралык кылмыш соту босниялык сербдердин мурдагы лидери Радован Каражичти өмүр бою эркинен ажыратты. 2016-жылы мурдагы Югославия боюнча БУУнун Эл аралык трибуналы Каражичти геноцид жана адамзатка каршы кылмыштары үчүн күнөөлүү деп таап, 40 жылга абакка кескен.
Австралия Түркия президенти Режеп Тайып Эрдогандын Жаңы Зеландиядагы мечитте болгон кыргындан кийинки сөзүн айыптап, Анкара менен алакасынын “бардык шарттарын” карап чыгышы мүмкүн экенин эскертти.
Кыргыз-тажик өкмөттөрү беш күндүк сүйлөшүүдөн кийин мунаса пикир табышканын жарыялашты.
Орусияда көптөгөн каршылыктарга карабай талаштуу мыйзамдарга кол коюлду. Эми бийликке, мамлекеттик символдорго акарат келтиргендерге жана "фейк" маалыматтарды тараткандарга жаза күчөтүлөт.
Европарламент Казакстандагы адам укуктарынын абалы боюнча резолюция кабыл алып, бийликти «эл аралык милдеттенмелерин аткарууга, адам укуктарын, жарандык эркиндикти сыйлоого, саясий репрессияларды токтотууга» чакырды.
Тажикстанда ички иштер органдарын реформалоонун алкагында милициянын аталышы полиция деп өзгөртүлө турган болду. Бийлик милиция бөлүмдөрүн видеокамералар менен жабдуу максаты бар экенин айтып, муну кыйноонун алдын алуу аракети катары түшүндүрдү.
Казакстанда шинжаңдык казак-кыргыздардын укуктарын коргоп келген активист Серикжан Билаш "улут аралык кастыкты козуткан" деп айыпталууда.
Ирандын президенти Хасан Роухани биринчи жолу Багдадга расмий сапар менен барды. АКШнын Иранга карата санциялары күчүндө турганда эки өлкөнүн жетекчилиги мындан аркы кызматташтыкты талкуулап жатышат.
Тажикстандык оппозиционер Шарофиддин Гадоев уурдалып, кыйноого кабылганын айтып чыкты.
Дагы жүктөңүз
