"Азаттыктын" иликтөө журналисти. Ош мамлекеттик университетин бүтүргөн.
“Кылым шамы” укук коргоо борборунун кызматкерлерине улуттук коопсуздук органдары тарабынан коркутуп-үркүтүүлөр жана кысымга алуулар болуп жатканын аталган уюмдун жетекчиси Азиза Абдрасулова билдирди. Анын айтымында мындай мамиле июнь айындагы кандуу окуялар туурасында чогултулган айрым иликтөө материалдарына байланыштуу болушу мүмкүн.
Кыргыз мамлекетинин башчысы Роза Отунбаева БУУнун жыйналышынын алкагында АКШ президенти Барак Обама менен жолугушту. Анда эки тараптуу алакаларды бекемдөө маселеси көтөрүлүп, Обама кыргыз президентинин өлкөнү демократиялыштыруудагы жана июнь айындагы этникалык кагылышууну токтотуудагы аракеттерин жогору баалады.
Казакстандын Жамбул облусунда ШКУга мүчө мамлекеттердин куралдуу күчтөрүнүн аскердик машыгуулары жыйынтыкталды. Буга удаа Алматыда өткөн ШКУнун терроризмге каршы күрөшүү түзүмүнүн жыйынында Кыргызстандын түштүгүндөгү коопсуздукту камсыздоого жардам көрсөтүү чечими кабыл алынды.
Кыргызстандын президенти Роза Отунбаеванын АКШдагы сапары ири мамлекеттердин башчылары жана эл аралык коомчулуктун башка өкүлдөрү менен жолугушууларга жыш болду. Талдоочулар Роза Отунбаева үчүн постконфликтик Кыргызстандын маселелерине эл аралык коомчулуктун көңүлүн бурууга мүмкүнчүлүк болгондугун белгилешти
Алдыдагы саясий өнөктүк шайлоо бюллеттендеринин өлчөмүнүн чоңдугу менен таңгалдыра турган болду. 22-сентябрда узуну жетимиш сантиметрден ашуун көлөмдөгү бюллеттендер “Учкун” басмаканасынан басылып чыга баштады.
Өзбекстандын президенти Ислам Каримовдун Бирикен Улуттар уюмунда сүйлөгөн сөзүндө Кыргызстандын түштүк аймагында болгон кандуу калабаны токтоосуз эл аралык иликтөөгө алууну талап кылышын Кыргызстандын коомчулук өкүлдөрү коңшу мамлекеттин ички ишине кийлигишүү катары айыптап чыгышты.
Көпчүлүк саясий партиялардын ураандарында мазмуну жагынан реалдуулуктан ат чабым алыс калган жана каталарга жыш толгон учурлар кездешет. Мындай сын-пикирлерин айтышкан талдоочулар шайлоочулардын аң-сезимине таасир этүү үчүн тилдик эрежелерге туура келбеген ураандар колдонулуп жатканын белгилешүүдө.
БШКнын маалыматы боюнча, саясий күрөшкө аттанып жатышкан партиялардын шайлоо корлорунун эң алды жыйырма беш миллион сомго чамаласа, арты беш жүз миң сомду түздү. Бирок талдоочулар партиялар үгүт иштерин жүргүзүүгө мындан бир нече эсе көп каражат сарптап жатышкандыгын белгилешүүдө.
Шайлоонун алдында Кыргызстанга карата кайсы бир күчтөр тарабынан маалымат диверсиясы уюштурулууда. Бул тууралуу билдирген Коопсуздук кеңешинин катчысы Марат Иманкулов айрым интернет булактары аркылуу Ошто башаламандыктар кайрадан кайталанат деген чындыкка коошпогон ушак-айыңдар жарыяланып жаткандыгын белгиледи.
Базар-Коргондо өзбек тектүү белгисиз адамдар курал-жарак ташып келип жатканын алдын ала эскертип, бийлике ачык маалымат берген укук коргоочу Азимжан Аскаров улут аралык урушту уюштурган кылмышкер болушу мүмкүнбү? Бул суроону кабыргасынан койгон укук коргоочулар аны өмүр бою эркинен ажыратууга кызыкдар күчтөр бар деп эсептешет.
Шайлоого бараткан 29 партиянын ичинде ондон ашуун жаңыдан түзүлгөн саясий партиялар буга чейин коомчулукта аты таанылган, күчтүү атаандаштары менен ат салышканы турат. Алардын шайлоодогу мүмкүнчүлүктөрү канчалык?
Өкмөт башчысынын орун басары Азимбек Бекназаров Президент Роза Отунбаеванын акыркы кадрдык жүрүштөрүн сындап чыкты. Президенттик администрациянын башчысы Эмил Каптагаев болсо бул доомат негизсиздигин, кадрдык жүрүштөр саясий өнөктүктүн босогосунда коомдук-саясий кырдаалды чыңдоого багытталганын айтууда.
Парламенттик шайлоого бара жаткан саясий партиялардын талапкерлеринин тизмесине Кыргызстанда чанда кездешкен этнос өкүлдөрү да киришти. Бирок буга чейин депутаттык орундарды бербей келген айрым этникалык азчылыктан чыккан саясатчылардын ысымдары бир дагы саясий партиянын тизмесинде көзгө урунбайт.
Кыргызстан элдик толкундоолордун натыйжасында келип чыккан эки ынкылапты баштан кечирди. Бирок талдоочулар экөөндө тең саясий элитанын алмашуусу жүргөн жок жана бийлик эрегишкен саясий кызыкчылык топторунун ортосунда гана биринен экинчисине өтүүдө деп мүнөздөмө беришүүдө.
Европадагы Коопсуздук жана кызматташтык уюмунун чыр-чатактарды жөнгө салуу департаментинин башчысы Герберт Залбер жана эл аралык полиция кеңешчилер тобунун жетекчиси Маркус Мюллер Кыргызстанга бейрасмий иш сапары менен келишти.
Шайлоого бара жаткан саясий партиялардын тизмесинде мамлекеттик жетекчи кызматтарда иштеп жүргөн учурунда, же андан кийин кылмыш иштери козголгон чиновниктер да бар.
Youtube сайтында Оштогу этникалык кагылышта өзбек тектүү жарандар жашаган аймакта чагымчылдык уюштуруп, курал-жарак таркаткан жана атайын диверсиялык иштер менен алектенген деп шектелип кармалган орусиялык жаранды суракка алуу учуру чагылдырылган видео тасма жарык көрдү.
Кыргызстандын, Өзбекстандын жана Тажикстандын аймактары айкалышкан Фергана өрөөнү кийинки кездери чек ара жаңжалдары эң көп катталган мейкиндикке айланууда. Мындагы чыңалуунун орун алышына талдоочулар, көпчүлүк учурларда чек ара сызыктарынын тактала электиги жана талаштуу аймактарына көп экендиги менен байланыштырышат.
Өткөн эки жуманын ичинде эки тараптын чек арачыларынын ортосунда ар кандай мүнөздөгү чыр-чатактар жана барымтага кармоолор орун алып, маселени жөнгө салуу боюнча сүйлөшүүлөрдөн азырынча майнап чыга элек.
ЕККУ полиция кеңешчилер тобун Кыргызстанга киргизүү боюнча меморандумга кол кою белгисиз мөөнөткө жылдырылды. Бул эки тараптын ортосунда полиция тобунун мандаты боюнча кайчы пикирлердин жөнгө салынбай жатышы менен байланыштырылууда.
Дагы жүктөңүз
