“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
АКШ аба базасы Кыргызстандан чыгарылаары жарыяланганы көпчүлүктү эми өлкөнүн коопсуздугу, 9 жылдан бери сырткы коркунуч дегенди билбей жашап жаткан элдин тынчтыгы кантип сакталат деген маселе да ойлондурууда.
“Ак жол” партиясынын парламенттеги өкүлү, депутат Табылды Орозалиев “Азаттыкта” президент К. Бакиевдин соңку кайрылуусунда козголгон маселелер жөнүндө ой-пикир бөлүшүп, оппозиция бийликти негизсиз сынга алууда деп билдирди.
Бир нече күн мурун шаардык муз сарайында көркөм муз тебүү боюнча спорт чебердигине талапкер Карина Ураимованын өнөрүн спорт адистери сындан өткөрүп, мындан ары ал эл аралык мелдештерде Кыргызстандын намысын коргойт деген бүтүмгө келишти. Мына ошол адистердин бири Кыргызстандын Хоккей федерациясынын президенти Мурат Жакыпов “Азаттык” менен маек курду.
БЭК президентке ачык кат жолдоп, К.Бакиевдин мөөнөтүнөн мурда кызматтан кетүүсүн талап кылган. Ачык кат тууралуу аталган кыймылдын Улуттук кеңешинин мүчөсү, “Улуу биримдик” саясий партиясынын төрагасы Эмилбек Каптагаев “Азаттыктын” суроолоруна жооп берди.
Кыргызстан тоокенчилер биримдигинин жетекчиси Орозбек Дүйшеев Кумтөр алтын кенин иштетип жаткан канадалык ишкананы бир жактуу айыптоого каршы болууда. Анын жүйөөсүндө, бул ишкана Кыргызстанга көп санда салык төгүп, иш орундарын түзүп кыйла эле пайда берип жатат.
Жарандык коомдун өкүлдөрү өткөн жылдын этегинде парламент кабыл алган “Кыргыз жарандарынын жалпы аскердик милдеттери, аскердик жана альтернативдик кызмат жөнүндөгү” мыйзамга карата нааразылык билдирген кайрылуу таратышты. Анда мыйзамдын 27-беренеси боюнча аскерлерди ички иштерге аралаштырып куралдуу күчтөрдү өлкөдөгү кырдаалды жөнгө салууга катыштырса, бул трагедиялуу жыйынтыктарга алып келээри белгиленген. Ошол билдирүү ээлеринин бири, “Кылым шамы” укук коргоо борборунун жетекчиси Азиза Абдурасулова “Азаттыктын” түз обосунда мындай кайрылууга себеп болгон жагдайлар тууралу кеп салып берди.
Кечээ Башкы прокуратура “Акыйкат үчүн” кыймылынын жетекчиси А. Жекшенкуловдон өлкөдөн чыкпоо жөнүндө тил кат алды. Буга байланыштуу Саясий куугунтуктан коргоо комитетинин мүчөсү, кылмыш иштери козголгон оппозиционерлердин адвокаты А.Бекназаров “Азаттыктын" түз ободогу суроолоруна жооп берди.
Өлкө президенти эки күн мурда Ордо Кеңештин (Коомдук палата) курамын бекитти. Бул уюм эми кандай иштерди аткараары, анын мүчөлөрү кантип тандалганы тууралуу “Азаттыктын” түз ободогу суроолоруна Ордо Кеңештин мүчөсү, экономика илимдеринин доктору, профессор Жумакадыр Акенеев жооп берди.
Профессор Жусуп Пиримбаевдин пикиринде, мамлекет башчы элге кайрылуусунда биринчи жолу ачык-айкын башкаруу системасын түзүү тууралуу маселе көтөрдү.
“Жаңы Кыргызстан” партиясынын башкы катчысы Исмаил Исаков: “Президент элдин пикирин эч качан укпайт. Ал канча жолу элге кайрылуу жасап чыкпасын, эл анын сөзүнө ишенбей калды,” деп эсептейт.
Өткөн жумада Коопсуздук боюнча мамлекеттик комитетинин Талас облустук башкармалыгынын кызматкерлери айрым жергилүктүү эркин маалымат каражаттарынын ишмердүүлугунө кызыгып, анда иштеген журналистердин дайын-дарегине кызыгышкан. Бул аракетти “Журналисттер” коомдук уюму сөз эркиндигине басым катары баалаган. Аталган коомдук уюмдун координатору Мери Бекешова ушул маселенин тегерегинде “Азаттыктын” түз обосунда кеп салып берди.
“Ак шумкар” партиясынын лидери, БЭКтин мүчөсү Темир Сариев соңку кадрдык өзгөрүүлөр, өлкөдөгү коомдук-саясий кырдаал, энергетикалык ишканалардын сатыкка коюлушу тууралу "Азаттыктын" түз ободогу сууроолоруна жооп берди.
“Ата Мекен” партиясынын төрагасы Өмүрбек Текебаев өзүнө жана оппозициянын башка мүчөлөрүнө карата козголуп жаткан кылмыш иштери, басым-кысымдар тууралуу “Азаттыктын” түз ободогу суроолоруна жооп берди.
“Азаттык” АКШнын жаңы президенти Барак Обаманын Борбор Азияга карата жүргүзүүчү саясатынын айланасында түз ободо талкуу уюштурду. Анда АКШ үчүн бул аймактын кандай кызыкчылыгы бардыгы тууралуу сөз болду.
Коргоо министрлиги БЭКтин Улуттук Кеңешинин мүчөсү Исмаил Исаковдун уулу Руслан Исаков Кыргызстандын Куралдуу күчтөрүнүн катарынан бошотуу тууралуу жолдогон рапортун жараксыз деп табууда.
АКШнын жаңы шайланган президенти Барак Обама ант бергенден тартып мамлекет башчылык кызматына толук кандуу киришти. Кыргызстандык серепчилер жаңы президенттин Борбор Азиядагы кичинекей өлкөгө болгон болочок мамилеси тууралуу жоромолдорун азыртан билдиришүүдө. Айрым пикирлер боюнча, Кыргызстан АКШ үчүн түрдүү багыттагы маанилүү өнөктөшү болуп кала берет, бирок бул кыргыз бийлигинин саясатынан көбүрөөк көз каранды.
Мындан ары "Бириккен элдик кыймыл" тарабынан жүргүзүлүүчү иш-аракеттерди атайын штаб уюштурат. Мындай чечимди бүгүн БЭКтин Улуттук кеңеши чыгарып, штаб башчылыгына Азимбек Бекназаровду шайлады.
Бүгүн "Бириккен элдик кыймылдын" Улуттук кеңеши жыйын өткөрүп, Таластагы окуяларды талкууга алды. БЭК мындан ары эл менен жолугушууда башка тактикаларды колдонмокчу.
Оппозиция Таластагы жолугушуулар тоскоолдуктарга карабай максатына жеткенин билдирүүдө. Саясат серепчилер болсо бийлик алысты көрө албастык кылып, саясий кырдаалды өзү курчутуп жаткандыгын айтып жатышат.
Кыргыз өкмөтү жаңы жылдан тартып ишкерликтин патент менен иштеген түрүн кыскартты. Байкоочулардын баамында бул системаны ишке киргизүү менен өкмөт ишкерлерди көмүскөгө качырат, ал эми жабылган ишканалардын эсебинен өлкөдө жумушсуздардын саны арбыйт.
Дагы жүктөңүз
