“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Коргоо министрлиги БЭКтин Улуттук Кеңешинин мүчөсү Исмаил Исаковдун уулу Руслан Исаков Кыргызстандын Куралдуу күчтөрүнүн катарынан бошотуу тууралуу жолдогон рапортун жараксыз деп табууда.
АКШнын жаңы шайланган президенти Барак Обама ант бергенден тартып мамлекет башчылык кызматына толук кандуу киришти. Кыргызстандык серепчилер жаңы президенттин Борбор Азиядагы кичинекей өлкөгө болгон болочок мамилеси тууралуу жоромолдорун азыртан билдиришүүдө. Айрым пикирлер боюнча, Кыргызстан АКШ үчүн түрдүү багыттагы маанилүү өнөктөшү болуп кала берет, бирок бул кыргыз бийлигинин саясатынан көбүрөөк көз каранды.
Мындан ары "Бириккен элдик кыймыл" тарабынан жүргүзүлүүчү иш-аракеттерди атайын штаб уюштурат. Мындай чечимди бүгүн БЭКтин Улуттук кеңеши чыгарып, штаб башчылыгына Азимбек Бекназаровду шайлады.
Бүгүн "Бириккен элдик кыймылдын" Улуттук кеңеши жыйын өткөрүп, Таластагы окуяларды талкууга алды. БЭК мындан ары эл менен жолугушууда башка тактикаларды колдонмокчу.
Оппозиция Таластагы жолугушуулар тоскоолдуктарга карабай максатына жеткенин билдирүүдө. Саясат серепчилер болсо бийлик алысты көрө албастык кылып, саясий кырдаалды өзү курчутуп жаткандыгын айтып жатышат.
Кыргыз өкмөтү жаңы жылдан тартып ишкерликтин патент менен иштеген түрүн кыскартты. Байкоочулардын баамында бул системаны ишке киргизүү менен өкмөт ишкерлерди көмүскөгө качырат, ал эми жабылган ишканалардын эсебинен өлкөдө жумушсуздардын саны арбыйт.
Мурдагы коргоо министри өзүнө карата кылмыш ишинин козголушун саясий куугунтук деп баалап, мунун башында президент Курманбек Бакиев жана анын үй-бүлөсү турат деген оюн бүгүн журналисттерге билдирди.
Соңку кезде бийликтин саясатына сын пикирин ачык айткандардын артынан куугунтук күчөдү. Жергиликтүү талдоочулар муну бийликтин айла кеткенден жасап жаткан аракети катары баалашууда.
Кыргызстандагы Мусулмандар биримдиги Газадагы кырдаалга байланыштуу кайрылуу таратып, Израилдин аскерлерин бул аймактан чыгаруу талабын койду. Саясий талдоочулар болсо бул согуштун артында ири мамлекеттер турат деген пикирлерин билдиришүүдө.
Парламент депутаттары шайлоонун акыйкаттыгын камсыздоочу бармакка сыя басууну алып салууну сунуштаган мыйзам долбоорун кабыл алды. Алардын белгилөөсү боюнча мындай ыкма өзүн актаган жок. Укук коргоочулар жана демократиянын тарапкерлери болсо буга каршы чыгып жатышат.
Оппозициялык күчтөрдүн "Бириккен элдик кыймылына" “Жаңы Кыргызстан” саясий партиясы да кошулду. Партиянын лидери И.Исаков кыймыл элдин ишеничине ээ болуп, аны актоого кудурети жетет, деп ишенет.
“Бириккен элдик кыймылга” баш кошкон оппозициядагы жети партия жана төрт кыймыл үй-бүлөлүк жана кландык бийликти мөөнөтүнөн мурда кетирүү максатын жар салууда.
“Бирдиктүү Кыргызстан” кыймылынын төрагасы, мурдагы премьер-министр Амангелди Муралиев “Азаттыктын” таңкы түз обосунда өлкөдөгү азыркы коомдук-саясий кырдаал тууралуу кеп салып берди.
Бүгүн Мигранттардын эл аралык күнү. Бул датага байланыштуу Кыргызстандын Екатеринбург шаарындагы башкы консулу Асылбек Исаев “Азаттыкка” Урал жана Сибирь жергесиндеги кыргызстандык эмгек мигранттарынын турмушу жөнүндө айтып берди.
Кыргызстанга эмгек сиңирген энергетик, Жогорку Кеңештин мурдагы депутаты Райымбек Мамыров премьер-министр И. Чудиновдун Токтогул суу сактагычында суунун көлөмүн 1-апрелге карата 6,5 миллиардка жеткиребиз деген билдирүүсү ишеним туудурбай жатканын айтууда.
Оппозиция бир лидердин алдына баш кошуп, үй-бүлөлүк башкаруу системасына чогуу күрөшүүнү максат кылууда. Саясат таануучу Орозбек Молдалиев “Азаттыктын” түз обосунда ушул маселе боюнча ой бөлүштү.
Ушул тапта кыргыз опппозициясынын лидерлери АКШда жүрүшөт. Алардын бири, “Ата Мекен” партиясынын төрагасы Өмүрбек Текебаев “Азаттыкка” АКШ сапары, бийликтин оппозицияны алсыратуу аракети тууралуу маек куруп берди.
Кыргызстандагы сөз эркиндигине байланышкан соңку жагдай тууралуу “Азаттыктын” түз ободогу суроолоруна “Журналисттер” коомдук бирикмесинин координатору Мэри Бекешова жооп берди.
БУУнун адам укуктары боюнча комитети Аксы окуясында, тагыраак айтканда 2002-жылдын 18-мартында атылып кеткен Элдияр Үмөталиевдин ата-энесинин арызын карап чыгып, алардын уулунун өлүмү үчүн Кыргыз Республикасын айыптуу деп тапкан. Биз маркум Элдиярдын ата-энесинин арызын БУУнун комитетине даярдап, тапшырган адвокат Сартбай Жайчыбековду сөзгө тарттык.
Оппозициянын айрым өкүлдөрүнө “кызмат абалынан кыянаттык менен пайдаланган” деген айып менен кылмыш иши козголду. Бийликтин бул аракетинин терс жактары тууралуу саясат таануучу Марс Сариев “Азаттыкка” маек куруп берди.
Дагы жүктөңүз
