“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Бүгүн Чехиянын борбору Прагада Жакынкы Чыгыш менен Борбор Азия ортосунда узак мөөнөттүк энергетика жана транспорттук байланыш түзүүгө арналган саммит башталды. Мына ушул саммит, Борбор Азиядагы суу-энергетикалык, экологиялык маселелер тууралуу гидро-энергетик адис Райымбек Мамыров “Азаттыкка” кеп салып берди.
4-май күнү “Казакстан” социал-демократиялык партиянын мүчөсү Марина Сабитова менен журналист В. Ковтуновский Кыргызстанга киргизилген жок. Казакстандык жарандар Кыргызстанга “Ата Мекен” партиясынын чакыруусу менен келе жатышкан. “Ата мекен” партиясынын төрагасы Өмүрбек Текебаев “Азаттыкка” берген маегинде жогорудагы окуяны Кыргызстандагы саясий куугунтуктун жана адам укуктарынын басмырланышы катары айыптады.
Башкы прокуратура 13-мартта Аламүдүн капчыгайында болгон кандуу окуя боюнча тергөө иши аяктап, сотко жиберилгенин жарыя кылды. Ал эми ЖК депутаты Санжарбек Кадыралиевдин өлүмүнө байланыштуу иш тергөөдө.
Кыргызстандын акыйткатчысы Турсунбек Акун кечээ Петровкага барып, абал менен таанышып, жергиликтүү кыргыз-орус эли менен күрт улутундагылардын жолугушуусуна күбө болуп келди. Акыйкатчы Петровкадагы улуттар аралык жаңжалга чейин өсүп жеткен тополоңго жергиликтүү бийлик менен күч органдарынын күнөөсү бар, ошондой эле айыл аксакалдары мындай окуялардын алдын алып, жаштарды тыйууга тийиш болчу, деп эсептейт.
“Намыс” уюмунун лидери, укук коргоочу Уран Рыскулов Петровка айылындагы болгон окуяга күнөөлүү деп айыпталып үч күн камакта отуруп чыкты. Милиция аны негизсиз камаганы аз келгенсип, күнөөсүн териштирбей туруп, “ууру мышыктай” кылып, тымызын чыгарып жиберген. Уран Рыскулов “Азаттык” менен байланышып, ал жактагы соңку кырдаалды баяндап берди.
Дүйнөнү дүрбөлөңгө салып аткан чочко оорусунун алдын алуу боюнча Кыргызстандын медициналык мекемелеринде аракеттер болууда. Бул маселе боюнча Бишкектеги травматология жана ортопедия борборунун жетекчиси, профессор Сабыр Жумабеков “Азаттыкка” айтып берди.
"Азаттыктын" таңкы түз обосундагы талкууда бул жолу “Манас” аскердик аба базасынын Кыргызстанда калуу мөөнөтүн узартуу тууралуу кыргыз-америка сүйлөшүүлөрү, “Ак жол” партиясынын курултайы жөнүндө сөз болду.
Бир нече күндөн бери дүйнөнү дүрбөлөңгө салып жаткан чочко тумоосу аз убакытта эле Америка континентинен Европага тарап, бир нече кишинин өмүрүн алып кетти. Бул коркунучтуу тумоо Кыргызстанга да келбейт деп эч ким кепилдик бере албайт. Кыргызстандын саламаттык сактоо министрлиги чочко тумоосуна каршы кандай аракеттерди көрүп жаткандыгы тууралуу санитардык-эпидемиологиялык департаменттин жетекчиси Төлөн Исаков “Азаттыктын” түз обосунда сөз кылды.
БЭКтин мүчөсү, президенттик шайлоого талапкерлиги жарыялангандардын бири Исмаил Исаков Петровка окуясынан кийинки кырдаал жана шайлоо алдындагы тоскоолдуктар тууралуу “Азаттыктын” түз обосунда кеп салып берди.
Бүгүн Петровкадагы эл нааразылык акциясын улантмакчы. Ошондой эле айылга бүгүн ЖК депутаттарынан турган топ барышы күтүлүүдө. Бул тууралуу Петровкадагы окуя боюнча түзүлгөн элдик комитеттин төрагасы Баялы Саркулов “Азаттыкка” таңкы түз ободо маек куруп берди.
Алматыда Арал деңизин коргоо фондун уюштурган мамлекет башчыларынын саммити болуп өттү. Ага Кыргызстандан президент Курманбек Бакиев баштаган делегация барып катышып келди. Ошол делегациянын мүчөсү, айыл, суу чарбасы жана кайра иштетүүчү өнөр жай министринин орун басары Баратали Кошматов аталган саммиттин жыйынтыгы жөнүндө “Азаттыкка” айтып берди.
Петровкадагы улут аралык жаңжал боюнча “Жашылдар” партиясынын жаш канатынын жетекчиси Каныбек Сарымсаков “Азаттык” менен ой-пикир бөлүштү. Анын айтымында, бул жактагы окуяларды оппозиция уюштурду жана курчутту деген билдирүүлөрдүн негизи жок.
“Манас” аба базасы тууралуу кыргыз-америка сүйлөшүүлөрү кандай жыйынтыкка жетпесин, бирок АКШнын аба базасы Кыргызстандан чыкпайт, деп айтууга али эрте. Мындай пикирин “Ата Мекен” партиясынын төрагасы Өмүрбек Текебаев “Азаттыктын” суроолоруна жооп берип жатып билдирди.
БЭКтин курамындагы саясий партиялардын бири - «Ак шумкар» партиясы 4-майда курултайын өткөрмөкчү. Анда партия президенттик шайлоого катышаар, катышпасын аныкташы айтылууда. Буга байланыштуу партия төрагасы Темир Сариев “Азаттыктын” түз ободогу суроолоруна жооп берди.
Жогорку Кеңештин депутаты, Социал-демократтар фракциясынын башчысы Бакыт Бешимов "Азаттыктын" таңкы түз обосундагы маегинде ушундай пикирин билдирди. Депутат кечээ Чүйдүн бул айылындагы кырдаал менен жеринен таанышып келген.
Жаңыдан түптөлүп жаткан «Биримдик» жаштар кыймылынын координациялык кеңешинин мүчөсү Зарылбек Маматов “Азаттыктын” түз ободогу суроолоруна жооп берди.
Глава правозащитного центра «Кылым шамы» Азиза Абдрасулова обвинила представителей местной власти и правоохранительные органы в беспорядках в с. Петровка Московского района. Она заявила, что бездействие районной милиции и прокуратуры, а также районного акима на жалобы родителей на изнасилование их 4-летней девочки спровоцировали беспорядки с межнациональной окраской. Она ответила на вопросы «Азаттык».
Кечээ Москва районунун Петровка айлында массалык баш-аламандык болуп, андан 87 адам камакка алынды. Бул окуяга көзөмөл жүргүзүп жаткан “Кылым шамы” бейөкмөт уюмунун жетекчиси Азиза Абдурасулова Петровкадагы кырдаал тууралуу “Азаттыкка” кеп салып берди.
БЭК III Элдик курултай максатына жетти деп эсептейт. Кыймыл курамындагы СДПнын төрага орун басары Б. Бешимов курултайга өлкөнүн булуң-бурчунан келген делегаттар койгон талаптарды аткарууга оппозиция даяр экенин "Азаттыктын" суроолоруна жооп берип жатып билдирди.
Мурдагы вице-премьер-министр Э. Ибраимова “Ак жолдун" төрага орун басары катары, партия төрагасы - президент Бакиевге кайрылуу жолдоп, өлкөнүн бүгүнкүдөй оор кырдаалга кептелишине мамлекет башчы жооп берүүгө тийиштигин айтты. Э. Ибраимова бул кайрылуусу боюнча "Азаттыктын" суроолоруна жооп берди.
Дагы жүктөңүз
