Кыргыз эл акыны Бактыгүл Чотурова адабиятка сексенинчи жылдары келип, өзүн лирик акын, драматург, публицист катары таанытты. «Кызыл ат», «Боз торгой», «Сагыныч», «Найман» баштаган ондогон китептердин автору. Көпчүлүк акындар сыяктуу эле Бактыгүл Чотурова да тагдыры бар калемгер.
“Сен жөнүндө поэма”, “Чарчоонун жүзүнчү ыры”, “Адамдын тагдыры” баштаган кайталангыс чыгармаларды жараткан, “сүйүүнүн султаны”, “поэзиянын султаны” атыккан Кыргыз эл акыны Омор Султановдун 90 жылдыгы быйыл күзүндө белгиленет. Ушул күндөрдү утурлай классик акынды шакирттери эскеришти.
Турар Кожомбердиев – кыргыз адабиятында авангардизмге умтулуу күчөп турган алтымышынчы жылдары салттуу поэзиянын жаңы үлгүлөрүн алып чыгуу аркылуу талантынын күчүн далилдей алган залкар акын. Анын жеке тагдыры сыяктуу эле ырлары да көп кырдуу, кайталангыс.
Бүгүнкү коногубуз - Кыргыз эл акыны, Токтогул Сатылганов атындагы мамлекеттик сыйлыктын ээси, коомдук ишмер Акбар Рыскулов. Калемгер бул маекте чыгармачылыктын түйшүгү, жоопкерчилиги, отуз жыл жазган тарыхый романынын таржымалы, көркөм чыгармага коомчулуктун мамилеси тууралуу ойлору менен бөлүштү.
Кыргыз Эл артисти, Токтогул атындагы мамлекеттик сыйлыктын лауреаты Гүлайым Каниметова - сахнада Курманжан датка, Толгонай, Жамийла, Каракөз баштаган 80ден ашык кейипкердин ролун аткарып, театр сүйүүчүлөрдүн жүрөгүнөн түнөк тапкан белгилүү актрисалардын бири.
Беганас Сартов - кыргыз адабиятында фантастикалык чыгармаларды жараткан жазуучу Кусеин Эсенкожоевден кийинки бирден-бир калемгер. Андан бери фантастикалык чыгармаларга өмүрүн арнаган калемгерлер дээрлик чыга элек.
Журналист, ишкер, Жогорку Кеңештин мурдагы депутат Бегалы Наргозу “Жылкычы чымчык” аттуу толук метраждуу көркөм тасмасы аркылуу өзүн кинорежиссер катары таанытты. Кинотасма кыргыз коомундагы руханий жана экологиялык урунттуу көйгөйлөрдү көтөргөн.
Өз мезгилинин даңазалуу эстрада ырчысы, Кыргыз эл артисти Алтынбек Сапаралиевдин аткаруусундагы “Кантың бар”, “Стамбулдун кыздары”, “Ой тобо” өңдүү ырлар бүгүн да күйөрмандар издеп уккан ырлардан.
Кыргыз поэзиясынын жетимишинчи жылдары жарык жанган жылдызы, тагдыры татаал акын Табылды Муканов 1983-жылы 36 жашында көзү өткөн. Көзү тирүүсүндө анчалык баага татыбай калган акынга бүгүн адабиятчылар изилдөө жүргүзүп, поэзия сүйүүчүлөр суктанып бүтө албай келатат.
Калмурат Рыскулов токсонунчу жылдары таланты ташкындаган жаш обончу эле. Быйыл ал 50 жашка чыкмак. Өзгөчө жана кыска өмүр сүргөн обончуну теңтушу, жазуучу жана публицист Данияр Исанов эскерет. Маекти Бурулкан Сарыгулова уюштурду.
Алыкул Осмоновдун оор тагдырынын, өмүрүн кыскарткан айыккыс илдетинин, ал жашаган замандын таржымалы улам жаңы кырынан ачылып, акынды терең таанууга жол ачып келет.
Жакында чыгаан акын, жазуучу, котормочу, сынчы, публицист Салижан Жигитовдун эки китеби – поэзия жана проза жыйнактары жарык көрдү. Белгилүү адабиятчынын чыгармаларынын өзгөчөлүгү, китептерин басып чыгаруунун таржымалы тууралуу анын шакирти, акын, жазуучу Нуралы Капаров кеп салып берди.
Ушул жылдын ноябрь айында Кыргызстан жазуучулар бирикмесинин түзүлгөндүгүнүн 90 жылдыгы белгиленет.
Айгүл Узакова - махабатты даңазалаган күчтүү ырлары менен сексенинчи жылдары кыргыз поэзиясына кайталангыс из калтырган акын.
Кыргыз эл артисти Намазбек Уралиев Карамолдо Орозов баштаган залкар комузчулардын жолун улап келаткан учурдун белгилүү комузчусу жана комуз устасы.
Бүгүн биз окуялуу романдары аркылуу 90-жылдары окурмандардын кеңири чөйрөсүнө таанылган жазуучу Мелис Макенбаев тууралуу кеп кылабыз. Совет мезгилиндеги жабылуу темалардын бири - абак турмушун, селсаяк жашоосун, кылмыш дүйнөсүн чагылдырган романчы Мелис Макенбаев ким болгон?
Манас таануучу, Филология илимдеринин кандидаты Айнек Жайнакова - өмүрүн «Манасты» изилдөөгө арнаган окумуштуулардын бири.
Өрүкзарлуу Лейлек жергесине арнаган ширин ырлары менен 60-70-жылдары аты чыккан Курбанаалы Сабыров - өзгөчө таланты даңазаланып, табышмактуу өлүмү өкүт калтырган акындардын бири.
Сталиндик заманда 40 миңден ашык кыргызстандык репрессияланып, алардын 4000ден ашыгы өлүмгө кеткени тууралуу маалымат бар. Атылып кеткен маркумдардын Чоң-Ташта көмүлгөн 137синин сөөгүн 1990-жылы таап берип, тарыхка кирген легендарлуу Бүбүйра Кыдыралиева 96 жашында дүйнөдөн өттү.
Улуу Үркүн деген ат менен тарыхта калган 1916-жылкы улуттук боштондук көтөрүлүшүнө быйыл 108 жыл болду.
Дагы жүктөңүз
