"Кайрадан алар менен кайтпай калам". Оту өчпөс Турар акын

Турар Кожомбердиев – кыргыз адабиятында авангардизмге умтулуу күчөп турган алтымышынчы жылдары салттуу поэзиянын жаңы үлгүлөрүн алып чыгуу аркылуу талантынын күчүн далилдей алган залкар акын. Анын жеке тагдыры сыяктуу эле ырлары да көп кырдуу, кайталангыс. Акынды өмүрүн, чыгармачылыгын иликтеген окумуштуу, филология илимдеринин доктору, акын Аида Эгембердиева жана даңазалуу “От өчпөгөн коломто” китебинин 1992-жылы чыккан экинчи басылышынын редактору, акын Алтынай Темирова эскеришти.