Ирандын рухий көсөмү оппозицияны өлкө жетекчилигин бөлүп-жарчу аракеттен этият болууга үндөcө, экс-президент Рафсанжани элдин көбү бийликке ишенбестигин айтты.
1969-жылдын 20-июлунда америкалык астронавт Нейл Армстронг “Аполлон-11” космостук кемесинен чыгып, Айдын бетинде баскан. Ошентип ал XX кылымдын керемет окуяларынын бирин тарыхка жазды.
17-июлда Тегеран университетинде өтчү жума намазды мурдакы президент Рафсанжани жетектейт, ага мурдакы премьер-министр Мусави жана башка реформачыл талапкерлер катышат деп күтүлүүдө. Диний жетекчиликте таасири күчтүү Рафсанжани кутпа сөзүндө 12-июндагы президенттик шайлоо орой бурмаланды деген оппозиция уюштурган нааразылык акцияларын акташы ыктымал экени айтылууда.
Шаршембиде Египетте ачылган бейтарап өлкөлөр кыймылынын 15-саммитинде дүйнөлүк экономикалык кризис талкууланат деп күтүлүүдө. Бул кыймыл 1961-жылы СССР менен Батыштын таасири астында болбоо максатында түзүлгөн.
Президент Барак Обаманын билдиришинче, анын жардамчылары 2001-жылы Ооганстандын түндүгүндөгү генерал Абдул Рашид Достумдун жоокерлеринин 2 миңдей талип туткунун өлтүргөнү тууралуу маалыматтарды чогултууда. Ал эми Достумдун ырасташынча, Шеберган кыштагынын четиндеги түрмөгө алып баратканда болгону 200дөй гана жарадар туткун өлгөн.
Глобалдык маселелерди талкуулап чечүү АКШ, Британия, Германия, Канада, Франция, Италия, Япония жана Россия курамындагы Чоң сегиздин энчиси болуп кала береби? Бул формат заман талабына ылайык келбесе, жаңы уюмга канча өлкө кириш керек?
13-июлда Анкарада “Набукко” газ боросун куруу боюнча мамлекеттер аралык келишимге кол коюлат. Түркия 12-июлда келечекте боро менен ташылчу газдын 15 пайызын арзан берүү талабынан баш тартты.
Египеттин башкы муфтийи Али Жума мусулмандар массалык кыргын салчу куралдарды колдонбоого тийиш, андай куралды каршы жакты кол салуудан токтотуучу фактор ирети пайдаланса болот деген фатва чыгарган эле. Египеттик таанымал уламанын фатвасы мусулман дүйнөсү үчүн канчалык мааниге ээ?
Ирандын консервативдүү диний жетекчилиги өлкөдө саясый реформаны талап кылган толкундоолорду айоосуз басты. Бийликтин ырасташынча, оппозиция тапакерлери менен полициянын кагылышууларында 20 адамдын каны төгүлдү. Консерваторлордун таянчы болгон Ирандын руханий көсөмү, аятолла Хаменейи оорукчан болгондуктан, саясый тирешүү кандай аяктары жана келерки башкөсөм канчалык өз алдынча болору азырынча белгисиз.
Эки жарым жылдан бери Түркиянын жарандары “YouTube.com” бетине кирип, түрдүү видеотасмаларды көрө алышпай калды. Ошондуктан, Интернеттин пайдалануучулары видеотасмаларды башка беттерге (proxy browser) кирип көрүшөт. Түрк бийликтеринин ютюбду (“YouTube.com” ) жабуусуна эмне себеп болду? Өлкө коомчулугу ютюбду жабууга кандай мамиле кылды?
Дүйнөлүк экономикалык кризис, климаттын өзгөрүүсү жана Ирандагы президенттик шайлоодон кийинки кырдаал-дүйнөнүн бакубат сегиз өлкөсүнүн Италиядагы үч күндүк саммитинде талкууланчу негизги суроолор болот. Жыйын үч ай мурда катуу зилзаладан жабыркаган Аквила шаарында өтүүдө.
Кытайдагы Шинжаң-уйгур автономиясынын борбору - Үрүмчүдө жаңы баш- аламандыктарды болтурбоо максатында коменданттык саат киргизилди. Мындай чара хан кытайлардын тобу шаардагы уйгурларга таандык дүкөндөрдү талкалагандан кийин кабыл алынды.
Кытайдын Шинжаң-уйгур автономиялык районунда улуттар аралык араздашуулар уланууда. Шейшемби күнү шамшар жана союл менен куралданган хан кытайлардын тобу Үрүмчүдө уйгурларга караштуу дүкөндөрдү талкалады. Полиция аларды көздөн жаш агызчу газ атып жатып таркатты.
Кытайдын Шинжаң-Уйгур автономиялык районунда жекшемби күнү болгон тополоңдо кеминде 140 адам набыт болуп, 800дөн ашуун адам жабыркады. Бул 1990-жылы Бээжиндин Тянанмен аянтында болгон кызыл кыргындан берки эң чоң калаба деп бааланууда.
Германиянын мурдакы тышкы иштер министри Йошка Фишер “Набукко” газ долбооруна жардамга чакырылды. Фишер консультант ирети долбоорго саясый колдоо издеп, анын маанисин коомчулукка эффективдүү түшүндүрүүгө көмөктөшөт. “Популярдуу саясатчы демилгени Россиянын “Газпромуна” алдырып койгон “Набукко” долбоорун алга жылдыра алабы?” дешет айрым серепчилер.
Россия АКШ менен мамиле курууда Кансыз согуш жылдарынан келаткан усулдарды колдонууну токтотуусу керек. Президент Барак Обаманын сөзүнчө, ал мындай пикирин келерки жумада Москвага барганда премьер-министр Владимир Путинге айтат. Мурдараак президент Дмитрий Медведев Кошмо Штаттары менен мамилени оңдоонун жаңы жолдорун табууга үмүткөр экенин билдирген.
АКШ Мамдепартаменти мусулман өлкөлөрү боюнча атайын өкүл дайындады. Фарах Пандит айым башындагы жаңы түзүлгөн кызматтын милдети-мусулмандар менен сүйлөшүү, байланышуу жана Кошмо Штаттардын мусулман дүйнөсү менен диалог куруусун тездетүү. Фарах Пандит - теги индиялык мусулман үй-бүлөдөн. Ал буга чейин АКШнын Улуттук коопсуздук кеңешинде иштеген.
Росcиянын “Газпрому” менен Азербайжандын маммунайкомпаниясы ортосунда түзүлгөн келишим - Евробиримдиктин газ булактарын диверсификациялоо аракетин татаалдатышы этимал. Президент Медведев 29-июнда Бакыга барганда кол коюлган бул келишим Кремлдин “Түштүк агымы” долбоорун кубаттандырып, ЕБнын “Nabucco” долбоору газды кайдан алат деген суроо жаратат.
АКШ-Россия мамилесинин өнүгүшү канчалык деңгээлде Грузияга байланыштуу? Россиянын эларалык проблемаларды жөндөөдөгү орду кандай? Президент Барак Обаманын Иран саясатынын өзөгү эмнеде? Бул суроолорго конгрессмен-демократ Роберт Векслер өткөн аптада “Азаттык” радиосунун Прагадагы башкеңсесинде болгондо жооп берди.
Ирак мунай-газ кендерин өздөштүрүү боюнча ачык тендер өткөрдү. Шейшемби күнкү жарыша соодада Британиянын ВР жана Кытайдын CNPC компаниялары кирген эларалык консорциум Ирактын түштүгүндөгү килейген Румайла мунай кенин иштетүүгө укук алды. Келишимдерди кардарларга сатуу кандай жүрүп жатканы Ирак телевидениесинен түз көрсөтүлүп жатты.
Дагы жүктөңүз
