Айсалкын Качкынбекова "Азаттыктын" Ысык-Көл облусундагы кабарчысы, Эл аралык Кувейт университетинин журналистика факультетин 2016-жылы аяктаган.
Ысык-Көлдүн Түп районундагы Сары-Тологой айылында Махабатты айылдыктар "улакчы кыз" деп билишет. Аттын сырын мыкты билген кыз улак тартуудан тышкары азоо аттарды таптап, үйрөтүп да жүрөт. Азыр балдар менен ойноп, байге алып жүргөн кыз келечекте айылда улакчы кыздар тобун курагысы келет.
Ысык-Көлдүн Каракол шаарында жападан-жалгыз инклюзивдик бала бакча бар. Педагог Эсте Идирисова демилге көтөрүп, төрт жыл мурун ачкан бакчада азыр 40 бала тарбияланып жатат. Каражаттын тартыштыгынан бул бакчаны камсыздоо да кыйынга турууда.
Ысык-Көлдүн Ак-Суу районундагы Боз-Учук айылында кол күрөштөн Азия, дүйнө чемпиондорун чыгарган спорт уясы бар. Аянбүбү Асанкулова быйыл августта Алматы шаарында өткөн Дүйнө чемпионатында өспүрүмдөр арасында алтын медаль тагынды. Чемпион кыздардын айылына "Азаттыктын" кабарчысы барып келди.
Балыкчы шаарына эки жыл мурун "Бактылуу эне" кризисттик борбору ачылган. Бул маалда 80ден ашык аялга ар кандай жардам көрсөткөн. Азыр дагы зомбулуктан улам кайрылган аялдардын саны аз эмес. Балыкчыда психолог адистер жок. Ал эми борбор мындай адистерге абдан муктаж.
Миргүл Өмүрзакова билимди Америкадагы Колорадо университетинен алып, 23 жыл миграцияда жүргөн. Эми өзү туулуп өскөн Караколдо мектеп ачты. Бул каарманыбыздын кичинесинен берки кыялы болчу. Эми Миргүлдүн кийинки максаты - мектепти өнүктүрүп, толук орто билим берген жайга айлантуу.
