Сирияда ок атууну токтотуу келишими бузулганы калды. 12-сентябрда кол коюлган макулдашууга ылайык, Вашингтон жана Москванын Сирияда террордук топторго каршы күрөштө кызматташуусуна жол ачылып жаткан. Бирок АКШнын Сириянын өкмөттүк күчтөрүн жаңылыш бомбалоосу эки ортодогу мамилени чыңалтты.
Конституцияга өзгөртүү киргизүү боюнча референдум бир жагынан өнөктөш, бир жагынан атаандаш саясатчыларды жана партияларды биротоло чырлаштырды.
АКШда президенттик шайлоодо талапкерлердин ден соолугу олуттуу маселелердин бири. Хиллари Клинтондун 11-сентябрда өзүн жаман сезгенден кийин ал маселе курчуп, талапкерлердин саламаттыгы боюнча толук маалымат берүү талабы коюлду. Ошондуктан Хиллари Клинтон да, Дональд Трамп да ден соолугу боюнча кошумча маалымат беришти.
Эл аралык валюта кору Украинага 1 млрд доллар насыя бөлүүнү чечти. Украинага бир жылдан бери коррупция жана туруксуздукка байланыштуу насыя берилбей келаткан эле. Жалпысынан Эл аралык валюта кору Киевге 17,5 млрд доллар насыя бөлүү чечимин кабыл алган.
Арменияда жаңы өкмөт башчы дайындалды. Ал “Газпромдун” жогорку жетекчилеринин бири Карен Карапетян болуп калды.
Орусия менен Пакистан биринчи жолу биргелешкен аскердик машыгуу өткөрүшөт. Бул тууралуу пакистандык айрым маалымат каражаттары кабарлашты. Түштүк Азия регионунда мамлекеттердин мамилесиндеги мындай өзгөрүү Вашингтон менен Исламабаддын мамилесинин салкындоосунун фонунда өтүүдө.
Жекшемби күнү Беларуста парламенттик шайлоо өттү. Анын жыйынтыгында 110 орундуу парламентке оппозициянын эки өкүлү мүчө болду.
Кошмо Штаттар 2001-жылы 11-сентябрда жасалган теракттарды эскерди. Иш-чара жүрүп жаткан учурда Хиллари Клинтондун ден соолугу начарлап, эрте кетүүгө аргасыз болгон.
Узап бараткан аптада Кыргызстанда Дүйнөлүк көчмөндөр оюну жыйынтыкталды. Конституция боюнча акыркы вариантта кандай өзгөрүү бар? Өзбекстанда Конституцияны бузуу жолу менен премьер-министр мамлекет башына келгени маалым болду.
8-сентябрда Ташкенде өзбек парламентинин эки палатасынын биргелешкен жыйыны болуп, анда өкмөт башчы Шавкат Мирзиёев мамлекет башчынын милдетин аткаруучу болуп дайындалды. Өзбекстан парламентинин Сенатынын төрагасы Нигматулла Юлдашев мамлекет башчынын милдетин аткаруудан баш тарткан.
Кошмо Штаттар менен Орусия мамилесинде түртүлүү жана тартылуу өкүм сүрүүдө. Вашингтон жана Москва дүйнөлүк кризистик маселелерди чечүүдө сүйлөшүүгө келип, бирок көп учурларда чекелеше кетүүдө. Бул арада Республика партиясынан АКШ президенттигине талапкер Дональд Трамп ал президент болуп шайланса, Орусия менен мамилени калыбына келтирерин билдирди.
Курман айттын алдында Сауд Арабиясы менен Ирандын бири-бирине акаарат келтирүүсү күч алды. Тегеран Эр-Риядды “фанатизмге жеткирген экстремизм” боюнча айыптаса, саудиттер ирандыктар дегеле мусулман эмес деген жетишти. Ирандын руханий лидери өткөн жылы ажылык учурунда ирандыктардын өлүмүн иликтөөнү Бириккен Улуттар Уюмунан талап кылган.
Кошмо Штаттарда президенттик шайлоо алдындагы үгүт өнөктүгү кызуу жүрүүдө. Орусия темасы талапкерлер таймашында алдыңкы орунга чыгууда.
Тажикстандык Гүлмурод Халимов Сириядагы “Ислам мамлекети” аталган террордук уюмдун аскер кол башчысы болуп дайындалганы тууралуу маалымат чыкты. Ага чейин бул террордук уюмдун аскерий лидери Умар ал-Шишани АКШнын абадан соккусунан быйыл июль айында өлгөнү кабарланган. ИМдин жаңы аскер башчысы ким?
Кытайдын Ханчжоу шаарында Чоң жыйырманын саммити өтүүдө. Анда АКШ жана Орусия дипломаттары Сирияда кызматташууну сүйлөшүп, бирок бир жыйынтыкка келе албаганы кабарланды. Бул арада Анкара Сириянын Түркия менен чектешкен аймактары “Ислам мамлекети” деп аталган террордук уюмдан тазаланганын кабарлады.
Узап бараткан аптада Кыргызстан Москвада өрттө каза тапкан кыздарын акыркы сапарга узатты. Эгемендиктин 25 жылдыгын белгилөө саясий жаңжал менен коштолду. Өзбекстан президенти Ислам Каримов дүйнөдөн кайтты.
Өзбекстан 1-сентябрда Эгемендик күнүн белгиледи. Ал адаттагыдай шаан-шөкөт менен өткөн жок. Ага президент Ислам Каримовдун инсульт алып, ооруканага жатышы себеп болду. Президенттин кызы Лола Каримова-Тилляева элдин колдоосу атасынын айыгуусуна жардам берип жатканын айтып, белгисиз болуп жаткан Ислам Каримовдун тагдырына ачыктык киргизгендей болду.
БУУнун Коопсуздук кеңешинде Сирияда химиялык курал колдонулганы боюнча баяндама угулду. Анда эки жолу газ түрүндөгү хлор колдонулганы айтылды. Бирок Сирия өкмөтүнө каршы санкция киргизүүгө Орусия каршы чыгып, химиялык куралды кайсы тарап колдонгону боюнча далилдер жетишсиз деп атады.
Ислам Каримов мээсине кан куюлуп, өткөн ишембиде реанимацияга жаткырылганын кызы Лола Каримова-Тилляева Instagram, Facebook баракчаларына бүгүн, 29-августта жазды.
Узап бараткан жумада Кыргызстанда Үңкүр-Тоо маселеси кайра пайда болду. Конституцияга өзгөртүү киргизүү боюнча бир нече талкуулар болуп өттү. Түркия Сирияда аскерий операция баштады.
Дагы жүктөңүз
