"Азаттыктын" Бишкектеги бюросунун кызматкери, журналист. 2015-жылы Жусуп Баласагын атындагы Кыргыз Улуттук университетинин журналистика факультетин аяктаган.
Жыл жаңыргандан бери Кемин шаарынын жогору жагында майнинг ферма иштеп, мамлекеттин энергетикалык системасына туташып алган. Энергетика тармагына өзгөчө кырдаал жарыяланып, кышында жарык өчүрүлүп жаткан маалда Кыргызстандагы ири майнинг ферманын ишмердиги суроо жаратат.
17-июлда түнкү саат 12де Сокулук райондук соту таза сууну талап кылып камалган Бакыт Балбаев менен Бактыбек Бекболотовду камакка алуу чечимин кабыл алды. Бирок мындан бир жарым саат мурун, 22:22де Чүй облустук соту алардын камалганы айтылган маалымат тараткан эле.
Билим берүү жана илим министрлиги “Ай Кью” менчик мектеби боюнча укук коргоо органдарына кайрылганын билдирди. Мекеме “Ай Кью” мектеби тиешелүү лицензия жоктугуна карабастан 84 баланы экстернат жолу менен окутканын, эми аларга аттестат берилбей турганын айтууда.
Аттестат алышы арсар болуп окуучулардын ата-энелери эки күндөн бери Билим берүү жана илим министрлигин айланчыктап жүрөт.
65 жаштагы Токтонасыров өлкөдөгү ар кыл маселе, көрүнүштөргө позициясын билдирген, өзгөчө акцияларды уюштурган активист катары белгилүү. Ал “Азаттыкка” өз турмушун көргөзүп, уюштурган акциялардын максатын айтып берди.
Кыргыз-тажик чек арасындагы жаңжалда кыйраган үйлөрдү курууга “Аманат Строй Инвест” жалдаган айрым компаниялар жергиликтүү ишкерлердин акчасын бербей убара кылууда. "Азаттыктын" журналисттери Достук жана Капчыгай айылында эки компания ишкерлердин 20 миллиондон ашык сомун бере электигин билип келди.
Бийликти басып алууга айыпталган 30дан ашуун адамдын үчөөнүн аты-жөнү белгилүү болду.
Мамлекеттин үлүшү бар 42 компаниянын айрымдарындагы акциялардын көлөмү аз болсо, көпчүлүгүндө негизги пакетти мамлекет кармап турат. 42 мамлекеттик ишкананын 19у жабык турса, айрымдарынын абалы жакшы эмес.
БШК Бишкектеги бир мандаттуу №26 Ленин шайлоо округундагы добуш берүүнүн баштапкы жыйынтыгын жарыялады. Дамира Ниязалиева 6 миңден ашык добуш менен алдыга чыкты. Дагы бир талапкер Эртай Искаков аны добуш сатып алууга айыптап жатат. Ниязалиева муну "каралоо" деп сыпаттады.
Василий Балданов 30га чыга элек. Ал Санкт-Петербург шаарынан ата-бабасынын мекени Бурятиядагы Баргузин өрөөнүнө келгенде чөнтөгүндө төрт миң рубл, көөдөнүндө кой багуу кыялы бар эле. Эми тилегине жетип, анын короосундагы төрт туяктын башы 200дөн ашты.
Дагы жүктөңүз
