Ушул жумада президент Садыр Жапаров Жогорку Кеңешке шайлоого аралашкан мамлекеттик кызматкерлер жумуштан эле алынбастан жоопкерликке да тартылат деп убада берген. Ал жергиликтүү бийлик жетекчилерине кайрылып, Кыргызстанда шайлоону дүйнө таң калгыдай кылып таза өткөрүүгө чакырган.
Садыр Жапаровдун маалымат жыйыны
Садыр Жапаров: Курултай боюнча жылда отчет берип турушубуз керек эле. Тилекке каршы андай болбой калды. Аткарылып турган иштер боюнча маалыматтык отчет берүүнү туура көрүп отурам. Маалыматты бурмалабай туура жеткиресиңер деп ойлойм.
2020-жылы октябрь айындагы окуядан кийин чукул кадамдарга барууга туура келди. Кырдаалды тез арада жөнгө салдык.
Садыр Жапаров: Партиянын алдыңкы орундарды сатып, коррупцияга айланткан системаны жойдук. Мындан ары алтын мандат, алдыңкы орун дегендер болбойт.