Тасма кантип тартылат, андагы сиз билбеген кызыктар, кыргыз киносунун көрүүчүсү ким? Жергиликтүү тасмалар кантип Голивуддун кинолорун артка калтырды деген суроолорго “Азаттык+” жооп издеди.
Улуттук статистикалык комитеттин маалыматы боюнча, кинотеатрларга барган көрүүчүлөрдүн саны 2015-жылы 1,5 миллиондон ашкан.
Айрым маалыматтарга караганда жылына өлкөдө 100гө чукул тасма тартылат. Алардын жарымы көрүүчүгө тартууланчу толук метраждуу тасмалар.
Киночулар бүгүнкү күндө Кыргызстанда тартылган тасмаларга барган көрүүчүлөрдүн саны Голливуд тасмаларына баргандар менен теңелгенин белгилешет. Бул маалыматтын чын-төгүнүн билүү үчүн айрым кинотеатрларга баш бактык.
Өзүнүн бош убактысында жаңы тартылган кыргыз тасмаларынан кыя өткүсү келбеген көрүүчүнүн бири көргөн фильмин сын көз менен караса, экинчиси мекендештерин колдоп турат.
Мындан 5-10 жыл мурда эле кыргыз тасмалары саналуу гана кинотеатрларда көрсөтүлүп келсе, бүгүн шаардагы дээрлик бардык кинотеатрлар репертуарын жергиликтүү тасмалар менен толуктайт. Алардын катарына кечээ эле бир гана чет өлкөлүк фильмдерди көрсөтүп келген Синематика тармагынын кинотеатрлары да кошулду.
Ошол эле учурда кыргыз тасмаларын каражат табууну гана максат кылат деп сындагандар арбын.
"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.
