«Азаттык» бул ирет парапланда учкандардын эс алуусуна көз салды.
Адамга канат байлаткан өнөр
Кыргызстанда экстремалдуу эс алууну каалагандар көбөйүүдө. Бийиктен секирүү, аскага чыгуу, рафтинг, парапланда учуу өңдүү өзгөчө чер жазып эс алуунун түрлөрүн Бишкектен алыс кетпей эле тапса болот.
1
2
Бишкектен 20 чакырым алыс жайгашкан Тоолуу Маевка коктусунда, ар күн сайын парапланда учуп, эс алгандарды көрүүгө болот.
3
Парапланда учууну каалагандардын көпчүлүгү кыздар. Жигиттер аларга салыштырмалуу чанда кездешет.
4
Учкусу келгендерди тажрыйбалуу машыктыруучулар коштоп учат.
5
Парапланда жерден 500, 800, 1000 метр бийиктикте учууну сунуш кылышат. Бийиктигине жараша баалары да ар башка.
6
Атайын автоунаа эс алуучуларды тоонун башына алып чыгат.
7
Бул машине менен тоого чыгуунун өзү эле экстрим тартуулайт.
8
Параплан саатына 20дан 70 чакырымга чейинки ылдамдык менен учат.
9
Параплан парашютка окшош. Болгону ал алыс аралыкка учканга ыңгайлуу, жеңил жана анын бийик учушуна шамал гана жетиштүү.
10
«Жетинчи асман» параплан клубу тогуз жылдан бери түрдүү курактагы экстрим ышкыбоздорун тейлейт.
11
Учарда шамалдын багытын так аныктап, андан соң 10-15 метр аралыкка күүлөнүп чуркаш керек. Ошондо гана параплан жайылып, учуп баштайт.
12
Учуу убактысы 10-15 мүнөткө созулат.
13
Тоо койнунда жамбаштап жаткан учурдун ырахаты да өзгөчө...
14
Учуп келген эс алуучулар.
15
Айрым экстрим ышкыбоздору параплан сатып алып, учканды үйрөнүш үчүн ушул жакка келишет.
16
Парапланда учуш үчүн кошуна өлкөлөрдөн, жада калса Орусиядан бери туристтер келишет.
17
Бир күндө бул жерден 10 чакты киши парапланда учат.
18
Адамдын мүмкүнчүлүгү кеңири, кааласа асманга да учат...
19
500 метр бийиктиктен учуу - 1500 сом,
800 метр бийиктиктен учуу - 2200 сом,
1000 метр бийиктиктен учуу - 4000 сом турат.
800 метр бийиктиктен учуу - 2200 сом,
1000 метр бийиктиктен учуу - 4000 сом турат.
20
Бир парапландын орточо баасы беш миң доллар. Аны атайын чет өлкөдөн буюртма менен алдырууга болот.
