Эл аралык Human Rights Watch уюму Кыргызстанда саясатчыларды жана активисттерди жапырт кармалгандарды бошотууга чакырган билдирүүсүн жарыялады.
"Бийлик кармалгандардын баарын кое берип, алардын укугу, анын ичинде тергөөдө жана соттук териштирүүлөр учурунда да.корголушун камсыз кылышы керек", - деп жазылган анда.
Бишкектин Биринчи май райондук соту 24-25-октябрга караган түнү башаламандык уюштурууга шек саналып, жапырт кармалган 20 саясатчы жана активисттин бөгөт чарасын карап, баарын эки айга камакка алган чечим чыгарган.
Ага ылайык, кармалгандар Жаза аткаруу кызматынын 21-мекемесинде же СИЗО-1 деген аталыш менен жалпыга маалым болгон Бишкектеги №1 тергөө абагында 20-декабрга чейин камакта болот. Арасында саясатчы Азимбек Бекназаровдун камактагы мөөнөтү 23-декабрга чейин, Рита Карасартованын камак мөөнөтү 21-декабрга чейин деп белгиленди.
Жалпысынан 20 кишинин бөгөт чарасы аныкталып, чечим чыкты. Сот ишин таңкы саат бешке чейин улантты.
Бүгүн, 25-октябрда активист Атай Бейшенбек менен Акыл Айтбаевдин бөгөт чарасы каралары кабарланган.
Жалпысынан 20 кишинин бөгөт чарасы аныкталып, чечим чыкты. Сот ишин таңкы саат бешке чейин улантты.
Чечим чыккандар:
1.Азимбек Бекназаров
2.Асия Сасыкбаева
3.Али Шабдан
4.Рита Карасартова
5.Айданбек Акматов
6.Равшан Жээнбеков
7.Кубанычбек Кадыров
8.Чыңгыз Капаров
9.Перизат Суранова
10.Кеңешбек Дүйшөбаев
11.Нурлан Асанбаев
12.Эрлан Бекчоро уулу
13.Айбек Бусурманкулов
14.Таалайбек Мадаминов
15.Улукбек Маматаев
16.Гүлнара Журабаева
17.Клара Сооронкулова
18.Бектур Асанов
19.Талант Эшалиев
20.Жеңиш Молдокматов.
Жогорку Кеңештин депутаты Дастан Бекешев Кемпир-Абад суу сактагычын Өзбекстанга берүүгө каршы чыккан саясатчылар жана активисттердин камалышын сынга алды. Мындан кийин эркин маалымат каражаттарына асылуу башталарын белгиледи.
Саясатчы Телеграм-каналында депутат кармалгандардын бөгөт чарасын түнү бою караган сотту сынга алды.
"Мени тынчсыздандырганы - сот түнү менен таң атканча отуруп, улгайып калган аялдардын бөгөт чарасын караганы. Мисалы, Асия Сасыкбаева 71 жашта, Гүлнара Журабаева 63 жашта. Албетте, сотто өзүнүн эмес, кыйла жогору жактан чыгарылган чечим кабыл алынды. Мени баарынан ушул кабатыр кылып жатат. Биздин өлкө мындан ары кантип жашайт? Ишенип турам, булардан кийин эркин маалымат каражаттарына асылат", - деп жазды Дастан Бекешев.
Бишкектин Биринчи май райондук соту 24-25-октябрга караган түнү башаламандык уюштурууга шек саналып, жапырт кармалган 20 саясатчы жана активисттин бөгөт чарасын карап, баарын эки айга камакка алган чечим чыгарган.
Экстремисттик материалдарды тараткан деген шек менен кармалып, камакка алынган Руслан Бекназаровдун апасы Гүлүмкан Мамакеева уулун бошотууну өтүнүп, президент Садыр Жапаровго кайрылды.
Мамлекет башчыга жолдонгон катында Мамакеева уулу "далилдүү күнөөсү жок жеринен кармалып, камалып отурганын" белгилеген.
"Уулум Руслан Бекназаров атасы - бир кездерде сиз менен Камчыбек Ташиев камакта отурган кезиңерде сиздерди коргоп, адвокатыңар болгон Азимбек Бекназаровдун сиздин бийлигиңизге айткан сын-пикири үчүн камалганына толук ынандым. 23-октябрда атасы Азимбек Бекназаров да күч менен камакка алынбаганда, мен Русландын сот иши аягына чыкканча унчукпай күтмөкмүн. Бирок ата-бала бирдей камакта отурганы оор тийди. Атасынын айтканы үчүн камакта отурган уулум Руслан Азимбековичти бошотуп коюңуздар. Менин ушул катымды окуп жатып, өзүңуздүн камакта олтурган учуруңуздагы ата-энениздин абалын элестетип, адилет чечим чыгарасыз деп үмүттөнөм", - деп жазган Мамакеева.