Рита Карасартова: Кемпир-Абад эч кандай талаштуу жер эмес. Эмне үчүн БУУнун чек ара чечүү тажрыйбасын колдонбошубуз керек? Алар кечээ Баткенде Тажикстан менен чыр болгондо өздөрү жардамын сунуштады. Биз маселени чечүүгө шашпашыбыз керек.
Тилекмат Куренов: Бардык маселеге өзүбүз күнөөлүүбүз. Бир үндүктүн баасына сатылдык шайлоодо. Эки досту каалаганын кылууга жол бердик. Эки дос качанга чейин тайраңдайт? Баткенде эки жолу кол салуу болду. Канга, энелердин көз жашына качан тоебуз? Мурда эмне маселе көтөрүп келбейт деп жатышат. Биз келе турган болсок алар эмне отурат?
Атай Бейшенбек: Кыргызстанга 100% таандык жерди алмашууга Ташиевге ким укук берди эле? Жашырып, калп маалымат таратуу менен маселе чечебиз дегендер жаңылышат. Бардык чек ара маселеси боюнча протоколдор ачыкка чыгышы керек. Кыргыз эли баарын ачык билиши абзел. Эгер Жогорку Кеңеш жашыруун бере турган болсо кийинки жыйын Бишкекте болушу керек.
Жеңиш Молдакматов: Кыргыз эки адамдын айтканы менен жашап калдык беле? Килейген жерди алты депутаттын айтканы менен берип коебузбу? Бул шылдың, мазактоо. Кыргыз эч качан тилин жулдуруп, колун сындырып жашаган эмес.