Өнөктүк тынч, өз ирети менен өтүп атканы кабарланууда. Шайлоо декабрдагы тополоңдон улам чукул кырдаал киргизилген Жаңы-Өзөн шаарында да өтүп жатат.
Бул жолку добуш берүү өзгөчө шартта өтүп жатат. Шайлоо жөнүндөгү жаңы мыйзамга ылайык, эми парламент бери дегенде эки партиялуу болуп калмакчы. Кеминде бир партия 7 проценттик чектен өтө албаса да, президент Нурсултан Назарбаевдин “Нур Отаны” менен кошо депутаттык мандаттарга ээ болот. Мындай түзөтүү жыл этегинде Жаңы-Өзөн шаарында болгон кандуу окуялардан кийин киргизилген.
Ат салышка 7 партия катышууда. Жогоруда айтылган “Нур Отандан” тышкары – президентчил “Ак Жол” жана “Ауыл”, “Адилет” партиялары, Патриоттор жана коммунисттер партиялары, ошондой эле оппозициядагы “Азат” жалпы улуттук социал-демократтар партиясы.
Добуш берип жатып, президент Нурсултан Назарбаев бул шайлоо өлкө үчүн чоң сынак болуп калаарын айтты
- Адаттагыдай эле, Казакстан эли стабилдүүлүк, тынчтык, демек, бардык казакстандыктардын бакубат турмушу үчүн добуш берет деп ишенем. Шайлоонун ачык-айкын, калыс өтүшү үчүн бар аракетибизди жумшадык. Бул – биз үчүн чоң сынак.
Добуш берүү декабарда кандуу окуялардын очогуна айланган Жаңы-Өзөн шаарында да өтүүдө. 16-декабрда ишсиз калган мунайчылар менен тартип коргоочулар кагылыша кетип, расмий маалыматтарга караганда, 16 киши мерт кеткен. Ошол эле күнү Жаңы-Өзөндө чукул кырдаал киргизилген.
Эртеси ошол эле Маңгыустау облусунун Шетпе станциясында мунайчыларга тилектиштигин билдирүү иретинде эл чогулуп, тополоңдо полициянын огунан 1 жигит каза тапкан.
Жергиликтүү жашоочулардын бири “Азаттыкка” маалымдагандай, шаардын көчөлөрүн жана шайлоо участкаларын ОМОНдун куралданган аскерлери күзөтүп жатышат.
11-январда Казакстандын Борбордук шайлоо комиссиясы буга чейинки токтомун жокко чыгарып, чукул кырдаалга карабай, Жаңы-Өзөндө шайлоо өтсүн деп чечкен.
Шайлоонун жүрүшүнө 89 өлкөдөн жана 8 эл аралык уюмдан келген 819 байкоочу көз салууда.
Бул жолку добуш берүү өзгөчө шартта өтүп жатат. Шайлоо жөнүндөгү жаңы мыйзамга ылайык, эми парламент бери дегенде эки партиялуу болуп калмакчы. Кеминде бир партия 7 проценттик чектен өтө албаса да, президент Нурсултан Назарбаевдин “Нур Отаны” менен кошо депутаттык мандаттарга ээ болот. Мындай түзөтүү жыл этегинде Жаңы-Өзөн шаарында болгон кандуу окуялардан кийин киргизилген.
Ат салышка 7 партия катышууда. Жогоруда айтылган “Нур Отандан” тышкары – президентчил “Ак Жол” жана “Ауыл”, “Адилет” партиялары, Патриоттор жана коммунисттер партиялары, ошондой эле оппозициядагы “Азат” жалпы улуттук социал-демократтар партиясы.
Добуш берип жатып, президент Нурсултан Назарбаев бул шайлоо өлкө үчүн чоң сынак болуп калаарын айтты
- Адаттагыдай эле, Казакстан эли стабилдүүлүк, тынчтык, демек, бардык казакстандыктардын бакубат турмушу үчүн добуш берет деп ишенем. Шайлоонун ачык-айкын, калыс өтүшү үчүн бар аракетибизди жумшадык. Бул – биз үчүн чоң сынак.
Добуш берүү декабарда кандуу окуялардын очогуна айланган Жаңы-Өзөн шаарында да өтүүдө. 16-декабрда ишсиз калган мунайчылар менен тартип коргоочулар кагылыша кетип, расмий маалыматтарга караганда, 16 киши мерт кеткен. Ошол эле күнү Жаңы-Өзөндө чукул кырдаал киргизилген.
Эртеси ошол эле Маңгыустау облусунун Шетпе станциясында мунайчыларга тилектиштигин билдирүү иретинде эл чогулуп, тополоңдо полициянын огунан 1 жигит каза тапкан.
Жергиликтүү жашоочулардын бири “Азаттыкка” маалымдагандай, шаардын көчөлөрүн жана шайлоо участкаларын ОМОНдун куралданган аскерлери күзөтүп жатышат.
11-январда Казакстандын Борбордук шайлоо комиссиясы буга чейинки токтомун жокко чыгарып, чукул кырдаалга карабай, Жаңы-Өзөндө шайлоо өтсүн деп чечкен.
Шайлоонун жүрүшүнө 89 өлкөдөн жана 8 эл аралык уюмдан келген 819 байкоочу көз салууда.
