Мейкинбек Абдалиев: Коопсуздукту караңыздар. Кытай деле учакка салбай тоо-ташты аралатып сүйрөп кетет экен да. Элчиликтин ичин текшердинерби?
Улан Ниязбеков: Түрк элчиси менен сүйлөштүк. Мен текшерсем мыйзамсыз ишке барган болмокмун. Бирок ичин карап чыктык.
Жанар Акаев: Sabah деген Түркиянын олуттуу маалымат агенттиги. Ал Кыргызстандын атайын кызматы кармап берди деп жазды. Унчуккан жоксуңар. Биздин өлкөнү басмырлап атасыңар. Мынчалык мажирөө, коркок болбогула. Эгерде террордук ишке аралашса сөзсүз жоопко тартылышы керек. Бирок Кыргызстанда. Мындан кийин башка качкындарды башка мамлекеттер да өткөрүп алат. Мамлекеттин кадырына доо кетирдиңер.
Дастан Бекешев: Мүмкүн келечекте Түркияда оппозиция келет. Бизде дагы бийлик алмашат. 2013-жылы дагы Азиз Батукаеевдин иши каралганда ушундай жооптор болгон. Мына эми ачыкка чыкты. Келечекте бул иш эле эмес, эки-үч иш боюнча болот. Биздин УКМКнын жардамы менен эле чыгып кеткен. Бул келечекте билинет.
Абдывахап Нурбаев: HRW үч вариантты айтып чыкты.
1) Бирөө уурдап кетти;
2) Эрдогандан коркуп өткөрүп берди;
3) Өзү аралашкан.