Линктер

Русский
ЭЕ/АРнун бардык сайттары
РУС
site logo site logo
Артка Алдыга
ЧУКУЛ КАБАР!
21-Июль, 2025-жыл, дүйшөмбү, Бишкек убактысы 11:45
Карамык айылы, Чоң-Алай.
Карамык айылы, Чоң-Алай.
Коопсуздук

Кыргыз-тажик чек арасындагы соңку кырдаал

  • Кыргызстандын Чек ара кызматынын билдиришинче, 4-июнда саат түнкү 3тө тажик аскерлери Унжу-Булакта тактала элек жерге контейнер орното баштаган жана Кыргызстандын аймагына 1000 метр ичкери кирип келген. Ошол жерде тажик аскерлери, автомашиналар жана жеңил брондолгон техника топтоло баштаганы байкалган.
  • Кыргыз тарап эки мамлекеттин чек арага чектеш райондорундагы кырдаалдын мындан ары күчөшүнө жол бербөө максатында тажик тараптан Унжу-Булак аймагында орнотулган контейнерлерди жана тартылган аскер күчтөрү менен аскерлештирилген техниканы алып кетүүсүн талап кылды.

  • Тажикстандын Улуттук коопсуздук комитетинин Чек ара кызматы кыргыз-тажик чек арасында түзүлгөн кырдаал тууралуу Кыргызстандын Улуттук коопсуздук комитетинин Чек ара кызматы тараткан маалыматка жооп берди. Анда тажик чек арачылары Кыргызстан менен Тажикстандын өкмөттөр аралык комиссиясы макулдашкан чек ара тилкелерин кайтарып жатканы айтылат.

  • Кыргыз-тажик чек арасындагы эки тараптын куралдуу жаңжалы 28-апрелде "Головной" суу сактагычына тажик тараптын камера орнотуу аракетинен башталып, 29-30-апрелде да ок атышуу токтогон эмес.

  • 29-апрелде Баткен районунун Кызыл-Бел, Достук, Көк-Таш, Үч-Дөбө, Көк-Терек жана Ак-Сай айылдары, Лейлек районунда Борбордук, Арка, Интернационал, Жаштык, Максат айылдары жабыркады. Борбордук айылындагы май куюучу 27 бекет толук өрттөлдү, дүкөндөр тонолгон.

  • 1-майда кечке жуук эки тараптын расмий органдары тынчтык келишимине жетишкен.
  • Кыргыз айылдарынан эвакуация болгондордун саны 58 миңден ашкан.
  • Расмий маалыматка ылайык, Баткен облусундагы кыргыз-тажик чек арасындагы кагылыштарда 180ден ашуун киши жараат алып, 36 адам каза тапкан.
  • Ал эми тажик өкмөтү 5-майда гана 10 жараны, 6-майда 19 жараны каза тапканын, 87 киши жараат алганын расмий билдирген.
  • Согд облусунун Бобожон Гафуров районундагы Сурх, Ворух, Чорку жана Овчи-Калъача айылдарында 14 турак жай толук бузулуп, эки үй, бир курулуш жарым-жартылай жабыркаганы аныкталганы кабарланды.15 миңге чукул жергиликтүү тургун коопсуз жайларга эвакуация болгону айтылган.
  • Кыргызстан 1-2-майда чек арада каза тапкандарга аза күткөн.
  • 5-6-майда Кыргызстандын жана Тажикстандын расмий бийлиги чек араны чечүүгө байланыштуу макулдашууну жарыялашкан.
15:46 1.5.2021

Таласта жаш активисттер чек арада жабыркагандарга гуманитардык жардам топтоп жатышат.

Таластыктар чек арадагы элге жардам жөнөтөт
Embed
Таластыктар чек арадагы элге жардам жөнөтөт

No media source currently available

0:00 0:03:54 0:00
Түз линк

15:51 1.5.2021

Казакстандын президенти Касым-Жомарт Токаев кыргыз-тажик чек арасында курман болгондорго байланыштуу Кыргызстанга көңүл айтты.

Бүгүн 1-майда ал кыргыз президенти Садыр Жапаровго телефон чалып сүйлөштү. Кыргыз президентинин басма сөз кызматы кабарлагандай, "Токаев чек арадагы жаңжалды тынчтык жолу менен ынак коңшулук, өнөктөштүк жана боордоштук маанайда жөнгө салуунун маанисин баса белгиледи".

28-апрелде кыргыз-тажик чек арасында тутанган окуянын кесепетинен Кыргызстандан 33 адам каза болду, 163 адам жараат алды. Тажикстандын бийлиги жабыркагандар тууралуу расмий маалымат бере элек, журналисттер 90 адам жараат алганын, 15 киши каза болгонун маалымдашты. 1-2-май Кыргызстанда улуттук Аза күтүү күндөрү деп жарыяланган.

16:14 1.5.2021

"Азаттыктын" тажик кызматы "Озоди" 15 жараны каза болгонун жазды. Алардын тизмеси:

  1. Мухаммадулло Раджабализода, 26 жашта, Тажикстандын ИИМнин ОМОНнун 26 жаштагы офицери;
  2. Джасуржон Суяркулов, 28 жашта, чек арачы, Деваштич районунун Калъачаи Азими айылынын тургуну;
  3. Хасан Акбаров, 31 жашта, чек арачы, Фархор районунун Аловуддин айылынын тургуну;
  4. Салохиддин Гадоев, 28 жашта, Матчин районундагы чек ара кызматынын командири;
  5. Шерали Рахматзода, Исфарадагы чек ара кызматынын аскер кызматкери;
  6. Сафар Набиев, Исфарадагы чек ара кызматынын аскер кызматкери;
  7. Некруз Гафуров, Турсунзаде шаарындагы Каратаг айылынын Дахбед кыштагынын тургуну;
  8. Бахтовар Махмудов, Исфара шаарынын Сурх айылынын Найман кыштагынын тургуну;
  9. Умеджон Юсуфов, Бободжон Гафуров районунун Овчи-Калъача айылынын тургуну;
  10. Хикматулла Махкамов, 26 жашта, Чорку айылынын тургуну;
  11. Иброхим Хошимзода, 26 жашта, Чорку айылынын Навобод айлынын тургуну;
  12. Собир Ваххобов, 51 жашта, Чорку жамаатынын тургуну;
  13. Манучер Каландаров, 40 жашта, Чорку айылынын тургуну;
  14. Далер Эшонов, 33 жашта, Чорку айылынын тургуну;
  15. Хусейнджон Шаропов, Чорку айылынын тургуну.

16:21 1.5.2021
Баткен облусунун Лейлек районунда Кыргызстандын ички иштер министринин биринчи орун басары Сүйүн Өмүрзаков менен Тажикстандын ички иштер министринин орун басары Иброхимзода Нозимдин жолугушуусу өттү. Кыргыз ИИМнин басма сөз кызматы кабарлагандай, жолугушуу 1-майда Лейлектин Интернационал айылында болду.

Басма сөз кызматынын маалыматында “Жолугушуунун жыйынтыгы менен жарандардын коопсуздугун сактоо багытында байма-бай сүйлөшүү өткөрүп, абалды турукташтыруу боюнча бир пикирге келе алышты. Баткен облусунун жана Тажикстандын Согд облусунун күч структураларынын Лейлектеги ишмердүүлүгү толугу менен Сүйүн Өмүрзаковдун жана Иброхимзода Нозимдин көзөмөлүндө боло турганы белгиленди” деп айтылды.

Чек арадагы абалды бүгүн президенттер Садыр Жапаров жана Эмомали Рахмон да талкуулашты.

Дагы жүктөңүз

​
XS
SM
MD
LG