Балыкчы: каржы пирамидасы элди сызга отургузду

Ысык-Көлдө “Касса, финиш” деп аталган акча топтоо системасына алдангандар милицияга арызданууда. Бул финансылык пирамида Ысык-Көлдүн Балыкчы шаарынын тогуз жеринде ачылган. Айрым шаар тургундары акча топтоо системасына мүлкүн сатып кирсе, кээ бири топтогон акчасын толук берген. Азыр облустук ички иштер башкармалыгы бул окуя боюнча 1500гө жакын арызды карап, тергөө иштерин жүргүзүп жатат. Милициянын айтымында, финансы пирамидасы элден 74 млн. сомдон ашуун каражатты топтоп алган.