"Азаттыктын" журналисти. Касым Тыныстанов атындагы Ысык-Көл мамлекеттик университетинин журналистика бөлүмүн аяктаган.
Камчыбек Ташиев футбол биримдигинин президенти кызматынан кетти. Жогорку Кеңештин депутаттыгына талапкер Чыңгыз Айдарбековго “кызмат абалынан кыянаттык менен пайдаланган” деген айып тагылып, өлкөдөн чыгууга тыюу салынды. Орусия украин аймагын жүздөгөн дрон жана ракета менен аткылады.
“Ред Петролеумдун” жетекчиси Акылбек Маматов кармалганы кабарланды. Маматовдор менен Ташиевдерди эмне байланыштырат? УКМКнын төрагасынын мурдагы орун басары Тимур Шабданбеков жана бир катар кызматкерлер кармалганы айтылды. Казакстанда Бээжиндин саясатына каршы чыккан 19 киши жапырт соттолду.
УКМКнын мурдагы төрага орун басары Даниэль Рысалиев кармалганы кабарланды. Трамп Иран менен кездешүүдөн майнап чыкпаган соң, Ормуз кысыгы бөгөттөлөрүн ырастады. Ислам жумурияты АКШ Ормузду бөгөттөсө катуу жооп кайтарыларын эскертти. Президент Жапаров беш күндүк иш сапары менен Ош облусунда жүрөт.
АКШ лидери Дональд Трамп жана Иран бийлиги атышууну эки аптага токтотууну макулдашты. Кыргызстандын башкы прокурору УКМКнын мурдагы кызматкерлеринин үстүнөн жазылган 386 арыз каралып жатканын айтты. Укук коргоо органдарынын реформасы тууралуу саясатчы Адахан Мадумаров “Азаттыкка” ой бөлүштү.
Быйыл Апрель ыңкылабына 16 жыл болду. Кыргызстан тарыхында кара так катары калган бул окуядан кандай сабак алды? Трамп Ормуз кысыгы ачылбаса Иранга катуу сокку уруларын айтты. Жакынкы Чыгыштагы кырдаалдан улам дүйнөдө мунай кымбаттап жаткандыктан күйүүчү май баасы Кыргызстанда да көтөрүлүшү мүмкүн.
Бишкекте 6-кабаттан эки баласы менен кулаган келиндин сөөгү жерге берилди. Анын ымыркай кызы чарчап калды, беш жашар кызы оорукананын жандандыруу бөлүмүндө жатат. Орусиянын армиясынын Одессага жасаган түнкү чабуулу 3 адамдын өмүрүн алды. Орусиянын бир катар шаарлары да дрон чабуулуна дуушар болду.
Туура эки жыл мурда кармалган 11 журналисттин айрымдары пробациялык көзөмөл менен эркиндикке чыккан. Алар баштагыдай иштеп, келечегин куруп же журналистикага кайтып келе албай жатат. Соттуулугу бар журналисттер азыр кайда? Алар эмне менен алек?
Парламенттен бир ай мурун кеткен экс-депутат Кундузбек Сулайманов кармалды. Атайын кызматтын маалыматында ал кызматтык ыйгарым укуктарынан пайдаланып, айрым жеке компаниянын кызыкчылыктарын лобби кылуу аркылуу ага колдоо көрсөтүүнү уюштурган деп шектелүүдө.
Соңку жылдары сыртта жашап келаткан ишкер Шаршенбек Абдыкеримов президентке кайрылуу жасады. Ал Бишкектеги өзүнө тиешелүү болгон "Томми Молл" соода борбору Камчыбек Ташиевдин аялына жакын адамдарга өтө арзан баада берилип кеткенин жазды. Буга байланыштуу жагдайды акыйкат текшерүүгө чакырды.
Камактагы саясатчы Равшан Жээнбеков президентке кайрылып, УКМК буга чейин козгогон иштерди карап чыгууга чакырды. Ал Жазаларды аткаруу кызматынын ишмердүүлүгүн текшерүү керектигин айтып, буга жабык жайларда адам укуктары бузулуп жатат деген жүйө келтирди, атайын комиссия түзүүнү сунуштады.
7 жыл 8 айга кесилип, ушул тапта абакта жазасын өтөп жаткан оппозиционер Равшан Жээнбеков президентке кайрылып, УКМК буга чейин козгогон иштерди карап чыгууга чакырды. Саясатчы мындай чакырыкты Камчыбек Ташиев УКМК төрагылыгына алынып, атайын кызмат реформаланат деп убада берген учурга туш келди.
Камчыбек Ташиевдин кайтып келиши жана анын коомдук-саясий кырдаалга таасири туурасында ар кандай пикирлер айтылып жатат. "Азаттык" саясат талдоочу Эмил Жороевду кепке тартып, бир нече суроо узаттык.
Улуттук банктын төрагасы Мелис Тургунбаев кызматтан кетти. Орусияда интернет байланыш катуу чектелүүдө. Эл WhatsApp жана Telegram мессенжерлерин, банк карталарын, такси, тамакка буюртма берүү өндүү тейлөө тиркемелерин пайдалана албай калды.
Парламенттен сегиз депутат өз арызы менен кетти. Кара майдын маанилүү артериясы болгон маршрут Перс булуңунда согуш башталганы бөгөттөлүп калды. Ошто курулушка катышкан ишкерлер иш акысын ала албай жатат.
65 жаштагы балыкчылык активист Марат Акатов жарым жылдан бери абакта. Ал Фейсбуктагы билдирүүлөрү үчүн “массалык башаламандыктарга чакырык” беренеси менен 2,5 жылга соттолгон. Жакындары ал өз позициясы үчүн куугунтукка кабылды деп эсептеп, бийликтен анын ишин кароону суранышат.
Жогорку сот Temirov Live, Kloop.kg жана "Айт айт десе" редакцияларын экстремисттик деп тапкан буга чейинки инстанциянын чечимин күчүндө калтырды.
Жогорку сот Temirov Live, Kloop.kg жана "Айт айт десе" редакцияларын экстремисттик деп тапкан буга чейинки инстанциянын чечимин күчүндө калтырды. Адвокаттын "медианын кайсы материалы коомго терс таасирин тийгизет деген суроо ачык калды" деген жүйөсүнө сотто көңүл бурулган жок.
"Кызматтык абалынан кыянаттык менен пайдаланган" деген кине менен жети ай абакта отуруп чыккан журналист Куттумидин Базаркулов жабык жайда басымга кабылганын айтып чыкты. Ал өзүнө мыйзамсыз иш козголгонуна даттанып, өлкө жетекчилигине кайрылды.
Кыргызстанда соңку жылдары "Массалык башаламандыктар" өңдүү оор беренелер менен соттолуп, камалган журналист, активист жана жарандык коом өкүлдөрүнүн иштерин кайра кароо талабы айтыла баштады. Ушул тапта адилеттик издеген жарандар өздөрү дагы тийиштүү органдарга кайрылып жатышат.
Дагы жүктөңүз
