Алайлык Кадырбек Жээнбаев үч айылдашы анын апасын зордуктап, бирок жазасыз калганын айтып чыкты. Анын айтымында, зордукталган апасы алган жараатынан улам, окуядан бир ай өтүп каза тапкан. Ал эми үч шектүү абакта 4-6 ай гана отуруп, мунапыстын негизинде эркиндикке чыгышкан. Маркум аялдын уулу шектүүлөр жазасын алсын деп эшик каккылап жүргөнүн, бирок “кылмыштын мөөнөтү өттү” деген негиз менен иш кайра каралбай жатканын айтат. Ал 2003-жылы болгон бул ишти көзөмөлдөп берүүсүн өтүнүп, президент Садыр Жапаровго кайрылды. #azattykproject2026