Орусия Украинага басып кирип, согуш ачканына туура төрт жыл болду. Кан күйгөн майданда күйөөсүн жоготуп, ондогон аял жесир калса, далайы телмирип жол карап, дайынсыз кеткен жакынын күтөт. 2022-жылдын февралынан бери орусиялык 325 миңдей аскер набыт болгон. Жаракат алгандар менен дайынсыз кеткендерди кошкондо Орусияда жалпы жоготуулар 1 миллион 200 миңге жакындайт. “Азаттык” бул жолу Украиндагы уруштан улам аялдардын жашоосу кантип талкаланганын, алардын аянычтуу тагдырын баяндайт.