Трамп Кремлди бир апта ок атууну токтотууга үндөдү

Орусия Украинанын энергетикалык жайларына сокку урууну токтотсо, Киев орусиялык инфраструктураны бутага албайт. Бул тууралуу украин президенти Владимир Зеленский билдирди. Анын алдында АКШнын лидери Дональд Трамп Кремлди Киевди жана башка украин шаарларын бир апта аткылабай турууга чакырганын айткан. Кычыраган суукта орус армиясынын чабуулдарынан улам жүз миңдеген карапайым киши электр жарыгысыз, жылуулуксуз калууда.