Украина: Пентагондун делегациясы Киевге барды

20-ноябрда Киевде украин лидери Владимир Зеленский Пентагондун жогорку деңгээлдеги жетекчилиги менен жолугат. Мунун алдында медиа каражаттарында Вашингтон сунуштаган тынчтык пландын айрым жагдайлары жарыяланып кетти. Ага ылайык, Киев Донбасстан толук баш тартып, армиясын эки эсе кыскартып, эл аралык бейпилдик күчтөрүн жайгаштырбаш керек. Расмий Киев бул документ боюнча үн ката элек. Бирок буга чейин Украина бир карыш жерин бербей турганын билдирген.