"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
Орусияда украин армиясынын чабуулдарынан талаптагыдай корголбогон стратегиялык ишканалар мамлекеттин убактылуу башкаруусуна өтүшү мүмкүн. Президент Владимир Путиндин жаңы жарлыгы энергетикадан тартып логистикага чейинки тармактарды камтыйт.
Украинанын президенти Владимир Зеленский Орусияны эпке келтирүү үчүн эл аралык басымды күчөтүүгө чакырды. Өлкөсүнүн Эгемендик күнүнө карата кайрылуусунда Зеленский АКШ, Европа жана Кытай бул багытта өз ролун аткарышы керектигин айтты.
Орусияда ушул күздө мобилизациянын жаңы толкуну жарыяланышы мүмкүн деген маалыматтар көбөйдү. Москва мындай маалыматтарды четке кагып, азырынча мажбурлап мобилизация жүргүзүүнүн ордуна келишимдик негизде аскер топтоону улантууну көздөп жатканын билдирүүдө.
Москва баштаган Орусиянын бир катар аймактарында бензин тартыштыгы кайра күчөп, май куюучу жайларда узун кезектер пайда болду. Бийлик абалды жөнгө салууга аракет кылып жатканын билдиргени менен сырттан импорттолгон күйүүчү май да ички базарга жете элек.
Өзбекстандын президенти Шавкат Мирзиёев 14-августта Президенттик администрациянын макамын, милдеттерин жана иштөө тартибин аныктаган мыйзамга кол койду. Ага ылайык, администрацияны жетектеген президенттин кызы Саида Мирзиеева эми Коопсуздук кеңешинин төрагасынын орун басары да болот.
"Талибан" кыймылы Кабулдагы бийликти басып алганына 5 жыл болду. Бул аралыкта талибдердин өкмөтүн Орусиядан башка бир да өлкө расмий тааный элек. Ошол эле маалда Борбор Азиядагы коңшулары "Талибан" менен экономикалык, соода алака-катыштарын өрчүтүп жатат.
Сириянын соту өлкөнүн мурдагы президенти Башар Асадды "адамзатка каршы жана согуш кылмыштарына күнөөлүү" деп таап, сыртынан өлүм жазасына кести. Ушул эле иш боюнча Асаддын тууганы, мурдагы жогорку даражалуу коопсуздук кызматкери Атеф Нажиб да өлүм жазасына өкүм кылынды.
Орусиянын Татарстан республикасынын Нижнекамск шаарына дрон чабуулунда Өзбекстандын сегиз жана Тажикстандын бир жараны каза болгону расмий ырасталды. Алардын көбү Орусияга иш издеп барган мигранттар болгон. Тажикстандын дагы эки жараны жараат алып, ооруканада жатат.
Иран менен АКШнын ортосунда жаңжал уланып, аймактагы коопсуздук боюнча чыңалуу күчөп жаткан чакта Сауд Арабиясынын, Пакистандын жана Түркиянын лидерлери 7-августта биргелешип коргонуу тууралуу келишимге кол коюшту.
10-августта Татарстан төрт жарым жыл мурун Украинада согуш башталгандан берки эң көп адам өмүрүн алган чабуулга кабылды. Акыркы расмий маалымат боюнча Нижнекамскиге дрондордун чабуулунан 13 киши каза болду. Алардын жетөө Өзбекстандын жараны. Каза болгондордун арасында тажик жарандары да бар.
Telegram мессенжеринин негиздөөчүсү Павел Дуров Орусияда террордук ишмердүүлүккө көмөктөштү деген айыпка кабылды. Федералдык коопсуздук кызматы (ФСБ) ага каршы кылмыш иши козголгонун жарыялап, эл аралык издөөгө бергенин билдирди.
Чехия жана Германияда өзбекстандык жарандар аралашкан кылмыштуу схемалардын бети ачылды. Мындай окуялар борбор азиялык эмгек мигранттарына кандай таасир этиши мүмкүн? Еврошаркет миграциялык саясатын күчөтүп жаткан маалда биримдикке иш издеп барган аймактын жарандары эмнеге көңүл бурууга тийиш?
Түркияда туура он жыл мурдагы ишке ашпай калган төңкөрүш аракетинен кийин 100 миңден ашуун киши соттолуп, миллиондой киши суракка тартылган. Президент Режеп Тайып Эрдогандын бийлиги кыйла бекемделди.
Түркияда ишке ашпай калган бийликти төңкөрүш аракетине туура он жыл болду. Ал окуядан кийин жүз миңдеген адам иштен алынып, миңдеген киши камалды. Ошондон бери Түркияда коопсуздук чаралары күчөп, демократиянын абалы боюнча талаштар токтой элек.
АКШнын Борбордук командачылыгы (CENTCOM) америкалык аскерлер Ирандын абадан коргонуу системасына, радиолокациялык постторго, ракета жана дрон комплекстерине, Ормуз кысыгындагы чакан кемелеине сокку урулганын жарыялады.
Орусияда бензин тартыштыгы күчөдү. Украин дрондору Омскиге чейин жетти. Мунай заводдору токтоп, Путин күйүүчү майды импорттоого уруксат берди. Бул кризистин Борбор Азияга таасири кандай болот?
Быйыл Борбор Азияда жаан-чачын мурдагыдан көп болушу ыктымал. Дүйнөлүк метеорологиялык уюмдун адистери муну Тынч океанда кайрадан күчөп аткан Эль-Ниньо кубулушу менен түшүндүрөт. Акыркы апталарда дүйнөнүн бир катар аймактарында аба ырайы кескин өзгөрдү.
Украин президенти Владимир Зеленский Беларус өз аймагындагы орус дрондоруна жардам көрсөткөн жабдууларды өчүргөнүн билдирди. 19-июнда ал Александр Лукашенкого бул жабдууларды өчүрүүгө бир жума берип, антпесе украин армиясы аларды өзү иштен чыгарарын эскерткен.
Орусияда бензин менен дизел тартыш болуп, чектөөлөр киргизилүүдө. Москванын агрессиясына кабылган Украина бир нече убакыттан бери орусиялык мунай иштеткен заводдорго соккуларын күчөткөн. Күйүүчү майдын ири бөлүгүн Орусиядан импорт кылган Кыргызстанда бул жаатта абал азыр кандай?
АКШ менен Иран 60 күн ичинде тынчтык келишимине жетүү боюнча жол картасын макулдашты. Анда Ормуз кысыгы аркылуу кемелердин коопсуз өтүшүнө кепилдик берүү жана Ливандагы согуштук аракеттерди токтотуу каралган.
Дагы жүктөңүз
