Электр жарыгына эмнеге чектөө кирди?

Кыргызстанда күнүнө эки ирет бир нече саатка электр энергиясынын кубаттуулугуна чектөө киргизилди. Эртең менен жана кечинде электрди колдонуу кескин көбөйгөндүктөн энергетиктер ушундай чарага барганын айтышат. Кургакчылыктан жана керектөөнүн өскөнүнөн улам Токтогул суу сактагычында быйыл дагы жетиштүү суу топтолгон жок. Расмийлер калкты электр энергиясын болушунча сарамжал колдонууга чакырууда.