Amnesty International Махабат Тажибек кызын абактан бошотууга үндөйт

“Эмнести Интернешнл” укук коргоо уюму абакта отурган журналист Махабат Тажибек кызын бошотуп, ишин кайра кароого чакырган петиция жарыялады. “Айт, айт десе” жана Темиров LIVE долбоорлорунун директору “Массалык башаламандыктар” беренеси менен айыпталып, былтыр алты жылга кесилген эле. Бир катар эл аралык уюмдар соңку жылдары Кыргызстанда журналисттердин жаптырт кармалып, сот жообуна тартылышын айыптап, бийликти аларга козголгон кылмыш иштерин токтотууга чакырып келет.