“Топурактын үстүнө эле асфальт төшөлгөн". Нарындагы жаңы жол

Нарын шаарынын тургундары жаңы оңдолгон жолдун сапатына нааразы. Зарыга күткөн асфальт тегиз басылбай калганы тууралуу тартылган тасмалар соцтармактарда кызуу талкууга айланды. Ал тапта Транспорт министри Нарындын борбордук көчөлөрүн оңдоп бүтпөй жатканы үчүн подрядчы ишканага эскертүү берилгенин билдирди. Жол салып жаткан компания да кемчиликтер болгонун моюнга алды.