Жогорку Кеңеш кыргыз-тажик чек арасы боюнча келишимди ратификациялоо жөнүндө мыйзам долбоорун дароо үч окууда колдоду. Добуш берүүгө катышкан 85 депутаттан ичинен Султанбай Айжигитов каршы болуп, калганы “макул” деп добуш берди. Түркияда Стамбул шаарынын мэри, оппозициячыл саясатчы Экрем Имамоглу баш болгон мэриянын 100гө жакын кызматкери кармалды. Имамоглу 2027-жылы өтчү президенттик шайлоого оппозициянын атынан катышарын жарыялаган. Саламаттык сактоо министри Эркин Чечейбаев кызамык көбөйүп жатканына байланыштуу ата-энелерди балдарын эмдөөдөн өткөрүүгө чакырды.