Сталиндик заманда 40 миңден ашык кыргызстандык репрессияланып, алардын 4 миңден ашыгы өлүмгө кеткени айтылып келатат. Атылып кеткен маркумдардын Чоң-Ташта көмүлгөн 137синин сөөгүн 1990-жылы таап берип, тарыхка кирген легендарлуу Бүбүйра Кыдыралиева 96 жашында дүйнөдөн өттү. Анын сөөгү 14-августта Бир-Булак айылындагы атасы жаткан көрүстөнгө коюлду. Бүбүйра Кыдыралиеваны “Ата-Бейит” улуттук тарыхый мемориалдык комплексинин директору, окумуштуу Болот Абдрахманов, Тарых илимдеринин кандидаты Аида Кубатова менен “Азаттыкта” Бурулкан Сарыгулова эскерди.