Көлбаевдин көмүскө империясы кантип курулган?

Жарым миллион доллардык таажы, чопкутталган автоунаалар жана көз жоосун алган хансарайлар. УКМК кримтөбөл Камчы Көлбаев эсепсиз байлык топтогонун, кезинде саясатка таасир этип турганын жарыялады. Атайын операцияда өлтүрүлгөн Көлбаевдин таасирдүү империясына кимдер же кайсы жагдайлар шарт түзгөн? Кыргыз бийлиги уюшкан кылмыштуу топторго каршы «элдешкис» күрөш жүргүзөрүн жар салууда. Бул күрөш криминалдык дүйнөнү ооздуктай алган Грузиянын тажрыйбасынан эмнеси менен айырмаланат? Деги эле тамыры Советтер Союзуна барып такалган «мыйзамдагы уурулардын» доору бүтүп бара жатабы?