Орус рублине, же орус паспортуна азгырылып, бөтөн жердеги согушка барган мигранттардын тагдыры. “Азаттык” Орусиянын Украинадагы согушунун көрүнбөгөн курмандыгына айланган мигранттар тууралуу баяндарын баштайт.
Украинадагы уруш: орус паспорту үчүн отко түшкөндөр
Орусия эң жакын коңшусу Украинага басып кирип, согуш ачканына бир жарым жылга жакындады. 21-кылымда Европада болуп жаткан алаамат качан, кантип аяктары азырынча белгисиз. Миңдеген бейкүнөө кишинин, аялдар менен балдардын өмүрүн алган согуштун азабын Борбор Азиядан барган мигранттар да тартууда. “Азаттык” Украинадагы урушка тартылган мигранттар тууралуу иликтөөлөрдүн биринчи бөлүгүн сунуштайт. Бул жолу орус рублине, же орус паспортуна азгырылып, алыстагы согушка кеткен мигранттар тууралуу баяндалат.
