Орусияда кармалган мигранттар, Лавровдун Дүйшөмбү сапары
Орусиянын Коргоо министрлиги украин аскерлеринин контрчабуулуна кабылганын жарыялады. Киев бул маалыматты төгүндөп, "сүрүп чыгаруу жүрүштөрүн алдын ала айтпай жасай турганын" билдирди. Кыргызстанда “бийликти басып алууга аракет жасаган” деген шек менен бир топ киши кармалды. Интернетте тараган тасмада аскер кийимчен, куралчан кызматкерлер көчөдө автоунаадан жана турак үйлөрдүн биринде адамдарды кармап, колуна кишен салып жатканын көрүүгө болот. Көп сандагы “вебкам” студияларды уюштурган деген шек менен кыргыз жараны Даниел Ажиев Өзбекстанда кармалып, Кыргызстанга өткөрүлдү. Атайын кызмат ал түзгөн топто 300гө жакын адам иштегени аныкталганын билдирди.